Ønskjer du å jobbe med store og viktige prosessar i klimaavdelinga?
- Arbeidsgiver
- Klima- og miljødepartementet
- Stillingstittel
- Rådgjevar/seniorrådgjevar
- Frist
- 17.10.2022
- Ansettelsesform
- Fast
Avdelingssekretariatet ligg i Klimaavdelinga og har mellom anna ansvar for avdelinga sitt arbeid/prosessar med statsbudsjettet, økonomistyring og tilskotsforvaltning, diverse rapportering, rekneskap i samband med statsrekneskapen, personalforvaltning og verksemdplanlegging. Vidare bidreg sekretariatet i styringa av Miljødirektoratet og Meteorologisk institutt og anna utvikling av styringsarbeidet i departementet.
I tillegg gir avdelingssekretariatet leiarstønad og koordinerer mange administrative saker på vegne av heile avdelinga og har ansvar for administrative oppgåver i forbindelse med internasjonale klimaforhandlingar (COP).
Dine arbeidsoppgåver vil vere:
- jobbe med store og viktige prosessar, mellom anna med statsbudsjettet
- ulike rapporteringar på avdelinga sitt fagområde
- koordinering og utvikling av etatsstyringsarbeidet og verksamsplanlegginga i avdelinga
- arbeid med tilskotforvalting og regelverksutvikling
Stillinga inneber stor grad av samarbeid og dialog internt i avdelinga, i departementet, med underliggjande etatar og andre verksemder. Du må vere førebudd på å stille kompetansen din til disposisjon for andre oppgåver i avdelinga. Noko reiseverksemd må påreknas.
Vi søkjer deg som har følgande bakgrunn:
Du har følgjande kompetanse:
- Fullført høgare utdanning på mastergradsnivå med gode karakterar innan økonomi, statsvitskap, samfunnsøkonomi eller har annan relevant samfunnsvitskapleg kompetanse i fagkrinsen. Kravet om masterutdanning kan kompenserast med lang og relevant erfaring.
- Minst to års relevant erfaring frå offentleg forvaltning, fortrinnsvis frå departement.
- Kjennskap til ulike statlege styringsformer og statleg budsjettarbeid.
- Svært god munnleg og skriftleg framstillingsevne på norsk og engelsk.
Det er i tillegg en om fordel om du har erfaring med:
- koordinering, prosess- og/eller prosjektkompetanse
- regelverksutvikling og tilskotsforvaltning
For å lukkast i stillinga må du ha:
- gjere eigne prioriteringar og vurderingar
- ha evne til å tenke heilskapleg
- ha gode samarbeidseigenskapar og vere initiativrik, og evne å forholda deg til fleire leiarar
- trivast med ein travel kvardag, prega av raske endringar og korte fristar
- like å ha koordineringsansvar
- forstå rolla som del av embetsverket kring den politiske leiinga i eit departement
- vere omgjengelig og et ja-menneske
Personlig egnethet vil bli tillagt vekt.
Kvifor skal du jobbe hos oss:
- Du får jobbe på eit spanande fagområde, og i eit utfordrande og godt arbeidsmiljø.
- Du får ein svært god oversikt over Noregs klimapolitikk og arbeid i avdelinga.
- Vi har eit fellesskap med engasjerte kollegaar som er stolte av jobben sin.
- Klima- og miljødepartementet gir gode utviklingsmoglegheiter.
- Vi kan tilby mange sosiale, kulturelle og sportslege aktivitetar, inkludert 1 1/2 time trening i arbeidstida.
- Vi har fleksibel arbeidstid tilpassa ulike fasar i livet, og god pensjons- og forsikringsordning i Statens pensjonskasse.
Lokala våre ligg sentralt i Oslo med kort veg til offentleg transport.
Vi er opptekne av:
Vi vil rekruttere den best kvalifiserte kandidaten til stillinga og treng derfor eit breitt rekrutteringsgrunnlag. I Klima- og miljødepartementet har vi eit personalpolitisk mål om å vere ein arbeidsgjevar som speglar mangfaldet i samfunnet og som tar i bruk potensialet i den samla kompetansen i befolkninga. Vi arbeider for å inkludere persona med nedsett funksjonsevne og/eller som av ulike årsaker ikkje kan dokumentere ein samanhengande yrkeskarriere. Lokala våre ligg sentralt i Oslo med kort veg til offentleg transport, og vi har gode tilretteleggingsmoglegheiter.
Lønn:
Årsløn som rådgjevar frå kr. 516 100 - 615 800 (lønnstrinn 57 -67) eller som seniorrådgjevar frå kr. 604 400 - 746 900 (65 - 76). I særskilde tilfelle kan anna løn vurderast.
Avhengig av dine kvalifikasjonar og år med relevant arbeidserfaring vil du bli tilsett som rådgjevar eller seniorrådgjevar, jf. personal- og lønnspolitikken i departementet. Som ein hovudregel blir det kravd minimum to års relevant erfaring for å bli rådgjevar, og fem år som seniorrådgjevar.
Er dette stillinga for deg? Les følgjanda:
- Vi ber om at du laster opp vitnemål/karakterutskrifter (som kan hentast direkte frå Vitnemålsportalen) og relevante attestar.
- Utanlandske vitnemål må vere NOKUT godkjent. Godkjenninga blir vedlagd.
- Personalopplysningane dine vil bli tatt vare på i samsvar med GDPR.
- Det blir gjort merksam på at opplysningar om søkjar kan bli offentleggjort sjølv om søkjar har bede om å vere unnateken frå søkarlista.
- Søkjar vil bli orientert om dette på førehand.
- Kvalifiserte kandidater med ulik arbeids- og livserfaring blir oppmoda til å søke.
For nærare opplysingar om stillinga kontakt: underdirektør Wenche H. Olafsen, tlf: 93 20 04 05 / ekspedisjonssjef Ingvild A. Sæverud,tlf: 41 55 04 91.
Om arbeidsgiveren
Klima- og miljødepartementet har hovudansvaret for å ivareta heilskapen i regjeringa sin klima- og miljøpolitikk. Departementet er etatsstyrar for Artsdatabanken, Enova, Meteorologisk institutt, Miljødirektoratet, Norsk kulturminnefond, Norsk Polarinstitutt Riksantikvaren og Svalbards miljøvernfond, og har om lag 240 tilsatte.
Klimaavdelinga har ansvaret for internasjonalt arbeid, og nasjonal politikkutvikling på klimaområdet, samt lokal luftkvalitet. Avdelinga har også overordna ansvar for miljø og utviklingsspørsmål, og ansvar for styringa av Meteorologisk institutt samt koordinering av avdelingas faginnspel til styring av Miljødirektoratet.
- Sektor
- Offentlig
- Sted
- Kongens gate 20, 0153 Oslo
- Bransje
- Offentlig administrasjon
- Stillingsfunksjon
- Rådgivning,
- Samfunnsviter