Økonomirådgivar ved Høgskulen i Volda

Høgskulen i Volda, avdeling for humanistiske fag og lærarutdanning, søkjer etter rådgivar i fast stilling frå 01.10.2022. Den som vert tilsett vil samarbeide nært med fagleg tilsette og andre tilsette i administrasjonen ved avdelinga. Stillinga rapporterer til administrasjonssjefen. 

Søkjar må ha:

 - Relevant høgare utdanning og erfaring. Det er ønskjeleg med utdanning på masternivå, men dokumentert realkompetanse kan kompensere for delar av utdanningskravet.

 - God munnleg og skriftleg framstillingsevne på norsk

 - Gode samarbeidsevner og god evne til å yte service

I tillegg vektlegg vi:

 - God digital kompetanse

 - Personlege eigenskapar

 - Evne til å være strukturert og løysingsorientert

Dine ansvars- og arbeidsområde vil i hovudsak vere:

 - Utarbeiding av budsjett og prognosar

 - Støtte administrasjonen og institutta med finansielle nøkkeltal  

 - Utarbeiding og støtte ved prosjektavtalar

 - Prosjektoppfølging

 - Rekneskapsoppfølging

 - Reiserekningsadministrasjon

 - Fakturahandtering

For at vi til ei kvar tid skal vere i stand til å løyse dei administrative oppgåvene i avdelinga på ein best mogeleg måte, kan ansvars- og arbeidsoppgåvene i stillinga bli endra/justerte i samsvar med nye eller endra behov.

Vi kan tilby eit spanande arbeidsmiljø med høve til fagleg og personleg utvikling og gode pensjonsordningar.

Stillinga er lønna etter kompetanse og kvalifikasjonar i statens lønsregulativ med normal årslønn ved Høgskulen i Volda som rådgivar, stillingskode 1434 i lønnstrinn 58-68 (kr. 534 900 - 636 700).

Ved HVO er vi opptatt av mangfald. Medarbeidarar med ulik livserfaring vil gjere oss i stand til å finne  gode løysingar på arbeidet vårt. Vi oppmodar difor alle til å søke stillinga utan omsyn til alder, kjønn, funksjonsevne eller etnisk bakgrunn. Du er også velkommen til å søke sjølv om du ikkje kan vise til ei samanhengande yrkeskarriere. Lokala er universelt utforma, og vi legg tilhøva til rette for personar med nedsett funksjonsevne.

Dersom du har nedsett funksjonsevne, innvandrarbakgrunn eller hol i CV kan du bli positivt særbehandla om du kryssar av for dette når du søker stillinga. Vi vil invitere minst éin kvalifisert søkar i kvar av desse gruppene til intervju. For å bli positivt særbehandla på denne måten, må du oppfylle visse krav. Les meir om dette på arbeidsgiverportalen. (https://arbeidsgiver.dfo.no/strategisk-hr/inkluderingsarbeid/hvordan-bli-en-mer-inkluderende-virksomhet)

Tilsetjing skjer på dei vilkåra som følgjer av lov om offentlege tenestemenn, regulativ, reglement og instruksar som til ei kvar tid gjeld for stillinga, mellom anna lovfesta innskot i Statens pensjonskasse.

Aktuelle kandidatar vert innkalla til intervju. Søkjarar som vert kalla inn til intervju, må ta med originalar av vitnemål og attestar for å dokumentere dei elektronisk innsende vedlegga.

Alle som søker stillinga må søke digitalt gjennom rekrutteringsportalen Jobbnorge. Du må laste opp relevante vitnemål og attestar. Vi gjer merksam på at søknaden blir vurdert ut frå informasjon som ligg føre ved utløp av søknadsfristen. Det er viktig at du viser korleis din kompetanse fyller kriteria for stillinga

Offentleg søkarliste blir utarbeidd etter at søknadsfristen er ute. Dersom du ønsker å reservere deg frå oppføring på offentleg søkarliste, må dette grunngjevast i Jobbnorge. Du vil bli varsla om reservasjon ikkje blir tatt til følge.

Nærare opplysningar om stillinga får ein ved å vende seg til høgskulen ved administrasjonssjef Tor Ose, tlf. 70 07 54 28.

Avdeling for humanistiske fag og lærarutdanning er den største avdelinga ved Høgskulen i Volda med årleg om lag 2400 studentar og 160 tilsette. Vi gjev tilbod om ei rekke ulike lærarutdanningar og fagstudium. Avdelinga har stor aktivitet innan etter- og vidareutdanning for lærarar. Høgskulen i Volda ligg langt framme i høve å gje slike tilbod med fleksibel organisering og bruk av ulike teknologiske løysingar. Vi har også omfattande aktivitet innan forsking og utviklingsarbeid. Nasjonalt senter for nynorsk i opplæringa er ein del av avdelinga.

Midt mellom fjord og fjell på spektakulære Sunnmøre finn du Høgskulen i Volda, med sine lange tradisjonar.

Les meir på www.hivolda.no (https://www.hivolda.no/)

 

Video: https://www.youtube.com/watch?v=wSlL1WkuUXc (https://www.youtube.com/watch?v=wSlL1WkuUXc)