Rådgjevar

Vi treng din kunnskap og strategiske blikk for å skape gode løysingar for bemanning i sjukehuset for framtida. Vi håper at du har din styrke innan analyse og at du er god til å identifisere strategiske satsingsområder. Du vil få gode moglegheiter til å påverke utviklinga av fagområdet og forbetre tenestene som skal leverast.

Som rådgjevar i Seksjon for Bemanningsløysningar og tarifforhandlingar vil du bli ein del av Personal- og organisasjonsavdelinga. Avdelinga er eit av dei største kompetansemiljøa på Vestlandet innan personal og organisasjon, med over 70 medarbeidarar fordelt på fem seksjonar. Les meir om avdelinga her.

I vår seksjon er det viktig med kompetansedeling, her er det stor takhøgde og vi likar gode diskusjonar. Vi er åtte kollegaer som samarbeidar tett og utfyller kvarandre. Leiarane i sjukehuset ber oss om råd og støtte for å sjå samanheng mellom aktivitet, bemanningsplanlegging og utfordringsbildet dei møter. Viktige satsingsområder er optimalisering og bruk av ny teknologi.

Hos oss treng du ikkje å kunne alt, men du må være nysgjerrig og lærevillig. 

Arbeidsoppgåver

• Rådgje og støtte leiarar i sjukehuset i planlegging og styring av bemanning 
• Identifisere strategiske satsingsområder og arbeide systematisk med forbetringsarbeid for bemanning
• Videreutvikle arbeidsmetodikk innan arbeidstid og bemanningsplanlegging
• Analysere, tolke og bruke styringsdata i rådgjevingsarbeid
• Deltaking i prosjekt knytt til planlegging av bemanning
• Rådgje leiarar i lov- og avtaleverk knytt til arbeidstid 
• Bidra til godt samarbeid mellom leiarar og tillitsvalde i sjukehuset 

Kvalifikasjonar

• Utdanning fortrinnsvis på masternivå, gjerne innan økonomi eller logistikk  
• Erfaring frå analysearbeid og presentasjon
• God kompetanse i bruk av IKT verktøy, til dømes excel
• Fordel med erfaring frå prosjektdeltaking/prosjektleiing
• Fordel med kjennskap til lov og avtaleverk innan arbeidstid
• God til å omsetje analyser til råd og tiltak

Personlege eigenskapar

• Du tenkjer heilskap og evnar å sjå komplekse samanhengar 
• Du er god til å kommunisere og formidle til ulike målgrupper
• Du har evne til å bygge relasjonar og gode samarbeidsforhold                                                                      
• Du jobbar sjølvstendig, målretta og strukturert
  
• Du evner å balansere mellom detaljfokusering og overordna perspektiv                                                                 
  

Vi tilbyr

• Ei viktig rolle med spanande og utfordrande arbeidsoppgåver
• Eit engasjert fagmiljø og gode kollegaer
• Gode pensjons- og forsikringsordningar
• Løn etter avtale

Mangfaldserklæring
Føretaksgruppa i Helse Vest ønskjer å spegle mangfaldet i befolkninga i rekrutteringa vår. Vi oppmodar alle som er kvalifiserte til å søkje ledige stillingar uansett kjønn, alder, funksjonshemming og fleirkulturell bakgrunn. Det same gjeld dersom ein har hatt eit lengre opphald frå arbeidslivet. Føretaksgruppa i Helse Vest ønskjer å leggje til rette for inkluderande rekruttering.