Kommuneøkonomi og berekraft

Vi har ei ledig stilling som seniorrådgivar i samordningsstaben.

I samordningsstaben er det 4 tilsette og ein må rekne med ta del i heile staben sitt arbeid.

Dette omfattar både kommune- og samfunnsplanar, kommuneøkonomi og oppfølging av FNs berekraftsmål innan alle dei tre dimensjonane - økonomisk-, sosial- og miljømessig berekraft.  

• har relevant universitet- eller høgskoleutdanning innan samfunnsfag/økonomi/berekraft (mastergrad eller tilsvarande). I særskilte tilfelle kan manglande formell utdanning kompenserast ved lang og relevant praksis kombinert med anna relevant universitet- og høgskoleutdanning.
• har engasjement for å arbeide for ei meir berekraftig framtid
• har svært gode evner til å kommunisere både munnleg og skriftleg
• har gode samarbeidsevner, og evne til å bygge relasjonar
• våger å ta initiativ, tenke nytt  og utfordre det etablerte
• forstår forholdet mellom stat og kommune
• har gode analytiske evner og jobbar effektivt og treffsikkert og evner å framstille stoffet ryddig og oversiktleg.

Den som blir tilsett må beherske norsk både skriftleg og munnleg. Begge målformene må kunne nyttast. Vi brukar som hovudregel nynorsk som skriftspråk.

Rettleie kommunane om kommuneøkonomi og gjennomføre lovlegkontrollar, mellom anna

-          Oppfølging av kommunar som er på Robek
-          Fordeling av skjønnsmidlar
-          Behandle søknader om lån og garantiar
-          Statistikk og analyse
-          Gjennomgang av budsjett /rekneskap

Oppfølging av FNs berekraftsmål i samsvar med regjeringa sin politikk

-          Ta initiativ til å styrke samarbeidet for å nå måla
-          Vere aktiv i høve verkemidla som blir vedtatt
-          Formidle kunnskap om satsinga på berekraft
-          Støtte embetsleiinga i deira berekraftsarbeid

Stillinga gir store moglegheiter til å påverke eigne arbeidsoppgåver

• ein utfordrande jobb i eit utviklande og godt fagmiljø
• løn som 1364 seniorrådgivar med løn ut frå kvalifikasjonar, erfaring og lokal lønspolitikk. 
• tilrettelegging for delvis heimekontor
• fleksibel arbeidstid og medlemskap i Statens pensjonskasse, med gode forsikrings- og låneordningar. Frå løna vert trekt 2 % innskot til pensjonskassa.
• tilsetjinga skjer etter gjeldande lover, instruksar og reglement. Dei første seks månadane er prøvetid.

Utviklinga av organisasjonen vår er ein kontinuerleg prosess, og den som vert tilsett må rekne med å kunne bli tillagt andre oppgåver innanfor Statsforvaltaren sitt ansvarsområde, avhengig av kva oppgåver som til ei kvar tid er prioriterte og kva erfaring/kompetanse søkjar har.

Ta gjerne kontakt med fagdirektør/stabsleiar Helge Mogstad, tlf 92642280, epost fmmrhemo@statsforvalteren.no om du har spørsmål om stillinga.

Ønskjer du å gjere deg betre kjent med oss kan du finne meir informasjon på www.statsforvaltaren.no/mr (http://www.statsforvaltaren.no/mr)

Du søkjer elektronisk gjennom rekrutteringsportalen til Jobbnorge. Link til denne ligg på heimesida vår og på NAV sine sider. Vi ber om at du lastar opp vitnemål/karakterutskrifter (gjerne direkte frå Vitnemålsportalen) og relevante attestar.

Vi gjer merksam på at søkjarlista kan bli offentleg sjølv om søkjar ber om anonymitet jf. offentleglova § 25. Søkjar vil bli orientert om dette på førehand. Søkjarar som ønskjer å vere unntatt offentlegheit, må grunngje dette særskilt.

Vi meiner inkludering og mangfald er ei styrke. Vi ønskjer medarbeidarar med ulike kompetansar, fagkombinasjonar, livserfaring og perspektiv for å bidra til ei enda betre oppgåveløysing. Vi vil legge til rette for medarbeidarar som treng det. Aktuelle tilretteleggingar kan vere tekniske hjelpemiddel, tilpassing av møbler eller endring av rutinar, arbeidsoppgåver og arbeidstid.

Om vi får kvalifiserte søkjarar med funksjonsnedsetting, hol i CV-en eller innvandrar bakgrunn, vil vi kalle inn minst ein søkjar i kvar av desse gruppene til intervju.
For å bli vurdert som søkjar i desse gruppene, det vil seie positivt særebehandla på denne måten, er det nokre krav som må oppfyllast. Du kan lese meir her. (https://arbeidsgiver.dfo.no/strategisk-hr/inkluderingsdugnaden/bli-bedre-pa-rekruttering/hvordan-skrive-stillingsannonser-som-0) Vi oppfordrar deg til å krysse av i jobbsøkarportalen om du har funksjonsnedsetting, hol i CV-en eller innvandrarbakgrunn. Avkryssing i jobbsøkerportalen danner grunnlag for anonymisert statistikk som alle statlege verksemder rapporterer i sine årsrapportar.