Fast stilling for spesialsjukepleiar ved Seksjon for alderspsykiatri
- Arbeidsgiver
- Helse Bergen
- Stillingstittel
- 100% fast stilling for spesialsjukepleiar ved Seksjon for alderspsykiatri
- Frist
- 16.10.2022
- Ansettelsesform
- Fast
Psykiatrisk Klinikk er ein av seks klinikkar i Divisjon psykisk helsevern. Klinikken er lokalisert på Sandviken sjukehus og Haukelandsområdet. Klinikken er delt inn i seks avdelingar; Avdeling stemningslidingar, Psykiatrisk akuttmottak (PAM), Avdeling spesialisert psykosebehandling (ASP), Avdeling spiseforstyrringar, Avdeling psykosomatisk medisin og Avdeling alderspsykiatri. Avdeling alderspsykiatri består av Seksjon for ECT og Seksjon for alderspsykiatri.
Seksjon for alderspsykiatri utgreiar og behandlar pasientar med alvorlege psykiske lidingar som debuterer etter fylte 65 år.
Alderspsykiatriske lidingar er kjenneteikna ved at det er samanheng mellom psykiatrisk og somatisk sjukdom, eller mellom psykiatrisk sjukdom og biologisk, psykologisk eller sosiale aldringsfenomen. Døme kan vere alvorleg depresjon, invalidiserande angstliding og akutt forvirringstilstand, ofte med organiske årsaker. Vi tar også imot pasientar med uavklart kognitiv svikt med psykiatriske tilleggssymptom, paranoide tilstandar og andre funksjonelle lidingar.
Seksjonen har ei døgneining med 12 sengeplassar, der 8 senger er i ei open eining og 4 senger er i ei lukka eining. Seksjonen har i tillegg polikliniske og ambulante tenester. Seksjonen er lokalisert i Glasblokkene på Haukeland universitetssjukehus.
Døgneininga har frå 01.12.2022 ledig ei 100% fast stilling for spesialsjukepleiar innan psykisk helsearbeid eller gerontologisk sjukepleie. Arbeid pt. i todelt turnus og kvar 3. helg.
Arbeidsoppgåver
- Sjukehuset har fire hovudoppgåver; pasientbehandling, pasient og pårørande opplæring, forsking og utdanning
- Utgreiing, observasjon og behandling av eldre menneske med alvorleg psykisk sjukdom
- Rettleie, gje støtte og omsorg til pårørande
- Samarbeide tett med interne og kommunale aktørar for å etablere eit godt tilbod til den enskilde pasient
- Medverke til fagleg vidareutvikling av tenestetilbodet
- Delta i kvalitetsforbetringsarbeid
- Bidra med undervising til kollegaer og samarbeidspartnarar
- Sjukepleiefaglege oppgåver knytta til dagleg drift
Kvalifikasjonar
- Norsk autorisasjon som sjukepleiar
- Vidareutdanning innan psykisk helsearbeid eller gerontologisk sjukepleie. Særleg relevant erfaring kan kompensera for krav om vidareutdanning
- Engasjement og interesse for å jobbe med eldre menneske
- Må meistre norsk både munnleg og skriftleg. Gode språkkunnskapar er heilt avgjerande for forsvarleg pasientbehandling. Ikkje-nordiske statsborgarar må minimum ha bestått Bergenstesten, eller annan norsktest på B2-nivå, dokumentasjon må leggjast ved søknad
- Gode IKT-kunnskapar
- Det blir lagt vekt på at du er personleg eigna for stillinga spesielt med tanke på haldningar, motivasjon og kommunikasjon
Personlege eigenskapar
- Du kommuniserer og samarbeider godt med pasientar, pårørande og kollegaer
- Du tar personleg ansvar for at oppgåver blir gjort, tilbyr gjerne hjelp og deler raust av din kompetanse
- Du søkjer aktivt råd og rettleiing og kjenner eigen kompetansegrense
- Du held deg roleg, objektiv og kontrollert i stressande situasjonar, og arbeider stabilt under press
- Du er løysingsorientert , fleksibel og god evne til samarbeid
- Du har stort fagleg engasjement og er kunnskapssøkjande
Vi tilbyr
- Eit arbeidsmiljø med høgt fagleg nivå, engasjerte kollegaer og tydeleg pasientfokus
- Moglegheit for oppbygging av spesialisert fagkompetanse
- Undervising og rettleiing
- Gode muligheter til å delta i kvalitetsforbetringsarbeid
- Lønn i samsvar med gjeldande overeinskomst
- Gode pensjons- og forsikringsordningar
Mangfaldserklæring
Føretaksgruppa i Helse Vest ønskjer å spegle mangfaldet i befolkninga i rekrutteringa vår. Vi oppmodar alle som er kvalifiserte til å søkje ledige stillingar uansett kjønn, alder, funksjonshemming og fleirkulturell bakgrunn. Det same gjeld dersom ein har hatt eit lengre opphald frå arbeidslivet. Føretaksgruppa i Helse Vest ønskjer å leggje til rette for inkluderande rekruttering.
Om arbeidsgiveren
Helse Bergen, Haukeland universitetssjukehus, har over 12.000 tilsette som har som mål å gi best mogleg behandling og pleie til pasientane våre, og rett opplæring til våre pasientar og pårørande. Kvart år behandlar vi over 800.000 pasientar og bidreg i utdanninga av eit par tusen helsearbeidarar. Forsking er ei viktig oppgåve, og vi er blant dei fremste i landet innanfor dette feltet. Les meir på www.helse-bergen.no eller facebook.
- Sektor
- Offentlig
- Sted
- Haukelandsbakken 15, 5009 Bergen
- Bransje
- Helse og omsorg
- Stillingsfunksjon
- Sykepleier / Psykiatri,
- Sykepleier / Eldreomsorg
Nøkkelord
spesialsjukepleiar,, spesialsykepleier,, alderspsykiatri, -
Spørsmål om stillingen
- Kontaktperson
- Carina Orvedal Lønne
- Stillingstittel
- Seksjonsleiar
- Telefon
- 55 97 45 35
- Kontaktperson
- Turid Vetaas
- Stillingstittel
- Avdelingssjef
- Telefon
- 55 97 45 15
Haukelandsbakken 15, 5009 Bergen