Utløpt

Jordmor. 100% faste stillingar

Arbeidsgiver: Helse Bergen
Stillingstittel: Jordmor. 100% faste stillingar
Frist: Så snart som mogleg
Ansettelsesform: Fast

Bli kjent med Haukeland universitetssjukehus

Fødeavdelinga ved Kvinneklinikken har om lag 4600 fødslar årleg. Vi har tre fødeeiningar: Føde A, Føde B og Føde C - Storken. Føde A har ei eiga barseleining i 2.etasje. Føde A har ansvar for dei kompliserte fødslane, samt gravide som blir innlagd i svangerskapet. På Barsel blir kvinner og nyfødde med komplikasjonar etter fødsel tatt vare på. Føde C - Storken er ei kombinert lavrisiko føde-barseleining. Føde B er også ei kombinert eining og ivaretar fødande i eit mellom-risikonivå. Utviklinga av dei tre kombinerte einingene er ein del av organisasjonsutviklinga fram mot flytting til Glasblokkene i 2023. Kvinneklinikken er såleis inne i ei svært spennande tid med fokus på utvikling og førebuing til flyttinga.

Ved Poliklinikk for gravide, mor og barn har vi poliklinisk oppfølging for kvinner som får komplikasjonar i svangerskapet, terminkontrollar og ØH-situasjonar. Der er òg barseloppfølging, ammepoliklinikk og samtalar for kvinner med fødselsangst.

Fødeavdelinga er ein spennande arbeidsstad for jordmødrer som ønskjer å vere med å utvikle heilskaplege omsorgsmodellar innan svangerskap- fødsel og barselomsorg. Vi søkjer etter jordmødrer som har interesse for alle fagområda innan fødselsomsorga. Det er tett samarbeid mellom dei tre føde- og barselpostane, og både faglege og administrative oppgåver blir utført i samhandling med dei andre einingene.

Stillinga er knytta til Fødeavdelinga, med ein fastsatt 3 delt turnus. 70% av vaktene vil vere knytta til ein og same post, medan 30% av vaktene vil vere merka som "fellesvakter". Desse vaktene blir nytta på fleire postar på Fødeavdelinga etter kva behov som oppstår.

Vi søkjer etter jordmødrer som vil vere med å engasjere seg i utviklinga på Fødeavdelinga, og dei 3 kombinerte føde- og barseleiningene her. Du er ansvarleg, løysingsorientert og bidrar med din veremåte til eit positivt og godt miljø for utvikling og teamarbeid.

Vi søkjer både jordmødre som kan starte frå snarast og dei som kan starte seinare i haust.

Arbeidsoppgåver

Jordmorfagleg ansvar for gravide, fødande og barselkvinner
Rettleiing av "nybakte foreldre"
Rettleiing av jordmorstudentar/ sjukepleiarstudentar og medisinarstudentar
Oppfølging av nyfødde i perinatalperioden
Varierande sjukepleieoppgåver

Kvalifikasjonar

Jordmorutdanning med norsk autorisasjon
Må ha grunnleggjande IKT-kompetanse (Windows operativsystem og Office)
Må meistre norsk eller skandinavisk språk munnleg og skriftleg
Erfaring frå fødselsarbeid på Kvinneklinikknivå er ei føremon
Har erfaring med elektronisk fosterovervaking (STAN-sertifisert)
Generell sjukepleieerfaring

Personlege eigenskapar

Pasientorientert
Ansvarsbevisst
Gode kommunikasjonseevner
Evne til å arbeide målretta med arbeidsoppgåver
Ha respekt for kvar enkelt pasient
Vere ein god teamarbeidar
Må trivast i eit aktivt og travelt miljø
Fleksibel
Tåle endring
Tilpassingsdyktig

Vi tilbyr

Løn i samsvar med gjeldande overeinskomst
Triveleg arbeidsmiljø
Høgt fagleg nivå
Fagleg og personleg utvikling
Det vil bli turnusarbeid, med 3-delt turnus. Arbeid i snitt kvar 3. helg.

Mangfaldserklæring
Føretaksgruppa i Helse Vest ønskjer å spegle mangfaldet i befolkninga i rekrutteringa vår. Vi oppmodar alle som er kvalifiserte til å søkje ledige stillingar uansett kjønn, alder, funksjonshemming og fleirkulturell bakgrunn. Det same gjeld dersom ein har hatt eit lengre opphald frå arbeidslivet. Føretaksgruppa i Helse Vest ønskjer å leggje til rette for inkluderande rekruttering.

Om arbeidsgiveren

Helse Bergen, Haukeland universitetssjukehus, har over 13.000 tilsette som har som mål å gi best mogleg helsehjelp til pasientane våre, og rett opplæring til pasientar og pårørande. Kvart år behandlar vi over 900.000 pasientar og bidreg i utdanninga av fleire tusen helsearbeidarar. Forsking og innovasjon er og viktige oppgåver i sjukehuset. Les meir på www.helse-bergen.no eller facebook.

Helse Vest skal så langt som råd avspegle mangfaldet i befolkninga. Vi ønsker å rekruttere medarbeidarar uavhengig av kjønn med ulik kompetanse, fagkombinasjonar, livserfaring og perspektiv for å bidra i spesialisthelsetenesta.

Sektor: Offentlig
Antall stillinger: 4
Sted: Haukelandsveien 22, 5009 Bergen
Bransje: Helse og omsorg
Stillingsfunksjon: Sykepleier / Jordmor