Rådgjevar/seniorrådgjevar statistikk, kart og analyse

Har du lyst til å bidra i arbeidet med å utvikle eit nyskapande og berekraftig Vestland? I dette arbeidet treng vi deg som har god kompetanse innan geografiske informasjonssystem, og som kan bruke og vidareutvikle slike verktøy til nytte intern i fylkeskommunen, og for kommunane i Vestland. Å bidra i anna statistikk og analysearbeid vil òg inngå i stillingane.

Det er ledig to faste stillingar som rådgjevar/seniorrådgjevar med kompetanse innan statistikk, kart og analyse.

Arbeidsoppgåver

Dei to stillingane inngår i seksjonen sin daglege statistikk- og analyseproduksjon, herunder: 

• Kvantitative og kvalitative analysar
• Visualisering, publisering og presentasjon av statistikk og analysar
• Digitalisering av datagrunnlag/automatisering av løpande oppdateringar
• Koordinering og kvalitetssikring av kunnskapsformidling frå andre avdelingar
• Rådgjeving til interne og eksterne aktørar

I tillegg er det lagt særlege GIS-oppgåver til stillingane:

• Utvikling og bruk av GIS som analyseverktøy
  • Publisere og vedlikehalde data i fylkeskommunen sine offentlege karttenester
  • Sjå heilskapen av behov og vere pådrivar for vidareutvikling innan fagfeltet
  • Vidareutvikle brukarløysingar
• Støtte og utføre oppdrag for fagavdelingar og temaplanar
  • Opplæring og tilrettelegging
  • Geografiske analysar
  • Lage tematiske kart
• Representere fylkeskommunen i ulike utval under Norge Digitalt-samarbeidet, og i fylkeskommunalt GIS-nettverk

Kvalifikasjonar

• Høgskule/universitet: mastergrad eller høgare 
• Kvantitativ metodekunnskap og erfaring med statistikkprogramvare
• Erfaring med GIS-programvare, herunder drift og konfigurasjon av server, desktop og web-GIS
• Erfaring med geografiske analyser og framstilling av kartdata, også via nettløysingar
• Generell innsikt i drift og vedlikehald av data i filstruktur og database
• Kjennskap til vedlikehald og utvikling i prosesseringsløyper for automatisert dataflyt

Personlege eigenskapar

• Gode analytiske evner
• God norsk munnleg og skriftleg formidlingsevne
• Kreativ, løysingsorientert og metodisk allsidig
• Strukturert, nøyaktig og sjølvstendig

Vi tilbyr

• Stillingsnemning rådgjevar/seniorrådgjevar etter kvalifikasjonar og erfaring 
• Løn etter avtale
• Gode forsikrings- og pensjonsordningar
• Fleksibel arbeidstid
• Faglege utfordringar og stimulerande arbeidsmiljø

Andre opplysningar

• Administrasjonsmålet i fylkeskommunen er nynorsk
• Arbeidsstad Bergen
• Litt reiseaktivitet må påreknast, men det daglege samarbeidet vil vere i ditale møterom
• Alle nytilsetjingar i fylkeskommunen vert gjort med ei prøvetid på 6 månader. Vi gjer merksam på at opplysningar om søkjaren kan verte offentleggjort sjølv om du har bedt om ikkje å stå på offentleg søkjarliste (offentleglova § 25, 2. ledd). Dersom du har bedt om unntak frå offentleg søkjarliste vert du alltid varsla før søkjarlista vert offentleggjort.