Rådgjevar - kompetanseutvikling i arbeidslivet

Rett kompetanse for framtida er ein viktig føresetnad for berekraftig verdiskaping. Vestland fylkeskommune har ansvar for å samordne arbeidet med regional kompetanseutvikling og sikre ein god balanse mellom tilbod og etterspurnad etter kompetanse og arbeidskraft.  Dette gjer vi gjennom å å setje retning i regionale planar og strategiar, samarbeid på tvers og gjennom å ha eit godt og oppdatert kunnskapsgrunnlag. Det er behov for kunnskapsdeling og erfaringsutveksling både regionalt, nasjonalt og internasjonalt for å lukkast med dette. Dette ønskjer vi di hjelp til. Som rådgjevar hjå oss får du spele ei aktiv rolle i arbeidet med å sikre fylket rett kompetanse for framtida. Ved hjelp av gode kommunikasjons- og samarbeidsevner skal du bidra til å byggje den kompetansen vi trenger i eksisterande og framveksande næringar. 

Arbeidsoppgåver

• Følgje opp regionale kompetanseforum og samarbeidsaktørar.
• Fange opp og samle erfaringar og god praksis.
• Produsere nyheitssaker/nyheitsbrev.
• Ta i bruk nye relevante kanalar for deling av informasjon og dialog.
• Handsame søknader om tilskott til kompetanseutvikling.
• Mobilisere til deltaking i internasjonale samarbeidsprosjekt.

Kvalifikasjonar

Master i samfunnsvitskaplege fag eller andre relevante studium på same nivå.

Desse kvalifikasjonane vil bli tillagt vekt:

• Erfaring med kommunikasjons- og informasjonsarbeid.
• Erfaring med prosjektarbeid eller prosessleiing.
• Kjennskap til arbeidslivet i Vestland og utdanningssektoren.
• Kjennskap til EU sine program og erfaring med internasjonalt samarbeid.

Personlege eigenskapar

• Gode samarbeidsevner
• Utviklingsorientert og nytenkjande
• Strukturert og sjølvstendig
• Stor arbeidskapasitet og gjennomføringsevne
• Evne til dialog og til å byggje nettverk
• Omgjengeleg
• God munnleg og skriftleg framstillingsevne

Vi tilbyr

• faglege og personlege utfordringar i eit godt og inspirerande arbeidsmiljø
• gode offentlege pensjons- og forsikringsordningar
• løn etter avtale
• fleksibel arbeidstid
• stilling i ei inkluderande arbeidslivsverksemd (IA-verksemd)
  

Andre opplysningar:

• Dersom du har spørsmål, ta gjerne ein prat med kontaktperson.
• Arbeidsstad i fylkeshuset i Leikanger
• Administrasjonsmålet i fylkeskommunen er nynorsk.
• 'Alle nytilsetjingar vert gjort med ei prøvetid på 6 månader.

Vi gjer merksam på at i følgje offentleglova § 25, 2. ledd kan opplysningar om søkjaren bli offentleggjort sjølv om du har oppmoda om ikkje å bli ført på offentleg søkjarliste. Dersom du har bedt om unntak frå offentleg søkjarliste vil du alltid bli varsla før søkjarlista vert offentleggjort.