Strålevernkoordinator i Helse Bergen

Strålevernkoordinator i Helse Bergen HF har ein sjølvstendig funksjon som skal bidra til at føretaket kan utøve riktig og forsvarleg strålebruk. I denne rolla vil du rapportere fagleg direkte til administrerande direktør, som har det overordna ansvaret for strålebruk og strålevern.

Strålevernkoordinator skal arbeide for å vedlikehalde og utvikle styringssystemet for strålebruk og strålevern og skal vere leiar for Strålebrukkomiteen i føretaket. Strålevernkoordinator har organisatorisk tilhøyrsle i Avdeling for kreftbehandling og medisinsk fysikk, seksjon for medisinsk fysikk. 

Om stillinga og bruk av stråling i Helse Bergen HF
Formålet med bruk av strålekjelder i Helse Bergen HF er å kunne stille riktig diagnose og gi riktig behandling av sine pasientar. Samtidig skal alle, som pasient, pårørande og tilsett, og som kan bli utsatt for stråling i føretaket, vere trygge.

Strålevernkoordinator i Helse Bergen HF vil, som beskrevet under, inneha ein funksjon som blir dekt av ein 100% stilling og vil ha ein ansvarsfull og svært sjølvstendig stilling med fagleg interessante og givande arbeidsoppgåver på føretaksnivå.

Prioritering og innhald i arbeidsoppgåvene blir bestemt av Strålevernkoordinator i nært samarbeid med adm. direktør. Strålevernkoordinator rapporterer derfor fagleg til adm. direktør i henhald til etablert struktur og fullmaktdelegasjon. Rammene for desse vil bli sett slik at dei ikkje vil vere til hinder for handlekraft.

Personalansvar ligg hos seksjonsleiar ved Seksjon for medisinsk fysikk. Strålevernkoordinator vil ha kontorarbeidsplass ved seksjonen, mellom fagleg dyktige medarbeidarar og i eit godt og sosialt miljø.

Arbeidsoppgåver

• legge til rette for riktig, trygg og ressursbesparande helsehjelp, både for pasientar og tilsette, ut frå føretakets mål om riktig diagnostikk og behandling ved bruk av strålekjelder
• bidra til føretakets mål om eit godt styringssystem og systematisk forbetring innanfor strålebruk og strålevern
• sjå samanhengen mellom systematisk forbetringsarbeid og risikostyring innanfor strålebruk på foretaksnivå
• ha ansvar for overordna organisering, struktur og styrande dokumentasjon innan strålebruk og strålevern
• førebu tema strålebruk for føretaksleiingas årlege nivå 1-gjennomgang
• bidra med tiltak til føretakets mål rundt kompetanseoppbygging og opplæring, anten ved eigen undervising innan strålebruk eller i samarbeid med andre ressurspersonar i føretaket
• legge til rette for tilpassa informasjon og opplæring både til pasient og tilsett og for formidling av at vi har eit trygt strålemiljø
• koordinere eksterne tilsyn frå tilsynsmyndigheit og vere fagleg ressurs ved interne revisjonar/ kliniske fagrevisjonar
• synleggjere og legge til rette for at føretaket etterlever relevante myndigheitskrav og følger faglege anbefalingar innan strålebruk og strålevern
• vere føretakets kontaktperson mot tilsynsmyndigheit Direktoratet for strålevern og atomsikkerheit og andre myndigheiter ved saker tilknytt strålebruk
• vere bindeledd mellom strålevernkoordinatorane i Helse Vest RHF, mellom strålevernkoordinatorane ved dei største regionsjukehusa og mot strålevernkoordinator ved UiB
  

Kvalifikasjonar

• MSc i medisinsk fysikk. Det er ønskeleg med sertifisering som medisinsk fysikar. Lang erfaring og annan relevant kompetanse kan kompensere for manglande formell kompetanse
• Relevant arbeidserfaring innan fagfelt som i vesentleg grad er knytt til strålebruk, vil bli lagt vekt på
• Strålevernkoordinator må hente ressursar frå ulike fagmiljø for å kunne ivareta sitt ansvar, og det er derfor ikkje krav om nødvendig fagleg kunnskap innan alle område for strålebruk og strålevern

Personlege eigenskapar

• Evne til å arbeide på føretaksnivå og kunne tenke strategisk og strukturelt
• Evne til samarbeid og nettverksbygging på tvers av profesjonar og avdelingar/ einingar
• Evne til å arbeide systematisk med forbedringsarbeid, inkludert støtte til forbetringsarbeid innan strålebruk ved den enkelte klinikk
• Evne til å kunne arbeide sjølvstendig, ha god gjennomføringsevne, ta initiativ, ta ansvar og tenke kreativt
• Evne til pedagogiske framstilling i samband med undervising

Vi tilbyr

• Lønn etter avtale
  
• Medlemskap i Kommunal pensjonskasse
• Fleksibel arbeidstid med tidsregistrering
• Eit stort fagmiljø innan medisinsk fysikk/stråleterapi
• Fast arbeidsplass blir Helse Bergen HF
• Ein trygg arbeidsplass med god kollegastøtte
• Gode moglegheiter for fagleg og personleg utvikling

Mangfaldserklæring
Føretaksgruppa i Helse Vest ønsker å spegle mangfaldet i befolkninga i rekrutteringa vår. Vi oppmodar alle som er kvalifiserte til å søke ledige stillingar uansett kjønn, alder, funksjonshemming og fleirkulturell bakgrunn. Det same gjeld dersom ein har hatt eit lengre opphald frå arbeidslivet. Føretaksgruppa i Helse Vest ønsker å legge til rette for inkluderande rekruttering.