Utløpt

Fagsjukepleiar/Operasjonssjukepleiar

Arbeidsgiver: Helse Bergen
Stillingstittel: Fagsjukepleiar/Operasjonssjukepleiar
Frist: 23.10.2022
Ansettelsesform: Fast

Bli kjent med Haukeland universitetssjukehus

Kirurgisk serviceklinikk (KSK) er ein av dei største klinikkane ved Haukeland universitetssjukehus og har medansvar for varierte og høgspesialiserte tenester knytta til akuttmedisin, intensivmedisin og operasjonsverksemd, samt smertebehandling og palliasjon.

KK/auge-seksjonen gir operasjonssjukepleietenester til Kvinneklinikken innan fagområda obstetrikk og gynekologi. Vi søker ein operasjonssjukepleiar som har klinisk erfaring, gjerne innanfor nemde fagområde, som brenn for fagutvikling. Fagsjukepleiar operasjon skal bidra til å oppretthalde og forbetre kvaliteten i operasjons-sjukepleietenesta, ved å legge til rette for utvikling av kunnskap, ferdigheiter og haldningar, samt strategiarbeid knytta til førebuing til flytting av seksjonen til Glasblokkene i 2023. Du vil jobbe i team med våre andre fagsjukepleiarar og inngå i leiarteamet i seksjonen.

Vi er ein avdeling som preges av eit godt samhold og arbeidsmiljø, og vi har eit stort fokus på fagutvikling og forbetringsarbeid. Stillinga er ein dagtidsstilling, med moglegheit for arbeid på vakttid.

Arbeidsoppgåver

Vere ein pådrivar for fagutvikling i seksjonen
Vere aktivt ute i klinikk i opplæring, oppfølging og rettleiing av tilsette
Identifisere, og legge til rette for fagutvikling av dei tilsette
Planlegge og organisere fagdagar og internundervising
Inngå i eit tverrfagleg samarbeid for å gi pasientar best mogleg opphald i avdelinga
Rettleiie og støtte studentar og deira kontaktsjukepleiarar
Kontaktperson for utdanningsinstitusjonar og leverandørar
Ansvar for utarbeiding og organisering av einingas fag og kompetanseplanar
Tett samarbeid med klinikkens fagutviklingssjukepleiar

Kvalifikasjonar

Norsk autorisasjon som sjukepleiar
Vidareutdanning i operasjonssjukepleie
Må meistre norsk skriftleg og munnleg
Erfaring frå utvikling av rutinar og prosedyrar er ønskeleg
Kunnskapsbasert utdanning er ønskeleg
Gode IKT-kunnskapar

Personlege eigenskapar

Du har eit godt lag med folk og får fram det beste i dei
Du er fleksibel, endringsdyktig og løysingsorientert
Du har god arbeidsmoral, er opptatt av kvalitet i arbeidet og er fagleg engasjert
Du er selvstendig, strukturert og ansvarsbevisst
Du liker å undervise enkeltvis og i grupper
Du trivast med å arbeide i eit tverrfagleg miljø
Personleg egnethet vektlegges

Vi tilbyr

Eit aktivt og triveleg arbeidsmiljø
Høgt fagleg nivå
Spennande arbeidsplass
Moglegheiter for heimekontor
Fagleg og personleg utvikling
Gode pensjons- og forsikringsordningar
Lønn i samsvar med gjeldande overeinskomst

Om arbeidsgiveren

Helse Bergen, Haukeland universitetssjukehus, har over 13.000 tilsette som har som mål å gi best mogleg helsehjelp til pasientane våre, og rett opplæring til pasientar og pårørande. Kvart år behandlar vi over 900.000 pasientar og bidreg i utdanninga av fleire tusen helsearbeidarar. Forsking og innovasjon er og viktige oppgåver i sjukehuset. Les meir på www.helse-bergen.no eller facebook.

Helse Vest skal så langt som råd avspegle mangfaldet i befolkninga. Vi ønsker å rekruttere medarbeidarar uavhengig av kjønn med ulik kompetanse, fagkombinasjonar, livserfaring og perspektiv for å bidra i spesialisthelsetenesta.

Sektor: Offentlig
Sted: Haukelandsveien 22, 5009 Bergen
Bransje: Helse og omsorg
Stillingsfunksjon: Sykepleier / Operasjon