Faste stillingar som vernepleiar og sjukepleiar. Felles utlysing for Divisjon psykisk helsevern

Helse Bergen er Vestlandets største og viktigste arbeidsplass og treng dyktige og engasjerte sjukepleiarar som kan jobbe ved avdelingar innan Divisjon Psykisk helsevern.

Psykisk helse angår alle. Nesten halvparten av oss vil i løpet av livet oppleve lettare eller tyngre psykiske lidingar. Divisjon psykisk helsevern skal tilby utgreiing, behandling og rehabilitering til barn, unge og vaksne som blir tilvist til ein av våre sju klinikkar. Behandlingstilbodet vårt omfattar akuttbehandling, ambulante tenester, poliklinisk behandling, dagbehandling og døgnbaserte tenester. 

Som hovudregel får våre pasientar behandling ved eit lokalt distriktspsykiatrisk senter (vaksne) eller ved ein lokal barne- og ungdomspsykiatrisk poliklinikk. I tillegg finst eit sjukehustilbod for dei som har behov for særleg spesialiserte behandlingstilbod. Les meir på våre nettsider  

• Pykiatrisk klinikk søkjer sjukepleiar til 100% faste stillingar ved Psykiatrisk akuttmottak PAM2. Todelt turnus (dag/aften) med kvar tredje helg. For å oppretthalde samansettinga i personalgruppa oppfordrast menn til å søkje.   

• Bemanningssenteret i Helse Bergen søkjer vernepleiar og sjukepleiar til 100% faste stillingar for oppdrag ved ulike avdelingar i sjukehuset

Bemanningssenteret er sjukehuset sitt eige interne vikarbyrå. Hos oss vil du få moglegheit til å jobbe på eit begrensa tal av avdelingar, og moglegheit til å lage din eigen årsturnus. Vi har fire fagdagar i året, møtepunkt kvar tredje veke og tett oppfølging av leiar og resten av teamet. Velkommen på laget :) 

Psykiatrisk Akuttmottak (PAM) Psykiatrisk akuttmottak består av ei mottakseining og 2 sengepostar, og er lokalisert ved Sandviken sjukehus. Psykiatrisk akuttmottak (PAM) gjev akutt psykiatrisk hjelp til personar over 18 år. Tilbodet i PAM består av akutt allmennpsykiatrisk vurdering, diagnostisering, behandling og pleie. Opphaldet i PAM er av kort varigheit (1 til 5 dagar). Etter eit opphald i PAM blir pasienten overført til andre sjukehusavdelingar eller utskriven med oppfølging frå eit distriktspsykiatrisk senter eller frå kommunehelsetenesta. PAM tar imot både pasientar som frivillig ønskjer behandling og pasientar som er underlagd tvungent psykisk helsevern.

På sengepostane (PAM 1/PAM 2) har vi i oppgåve å ta imot, ta vare på og behandle menneske i den akutte fasen av ein psykisk liding. Målsettinga er å gje raske og fagleg kompetente vurderingar som kan danne eit grunnlag for vidare diagnostikk og behandling. PAM 2 er ein lukka post med 10 sengeplassar og skjerma eining. Tverrfagleg team består av spesialsjukepleiarar, sjukepleiarar, vernepleiarar, hjelpepleiarar, sosionom, lege, psykiater og psykologspesialist.

Vi treng deg som har lyst på ein utfordring innan akuttpsykiatri!

Kontakt: Urd Hege Loftesnes, Tlf. 93485950

• Du har norsk autorisasjon som vernepleiar/sjukepleiar
• Erfaring frå arbeid i psykisk helsevern og/eller rus vil vere ein fordel og det er ein føresetnad at du er personleg eigna for å jobbe med pasientgruppa
• Gode kunnskapar i norsk, både munnleg og skriftleg 

Vi tilbyr

• Ein spennande og utfordrande jobb og eit meiningsfylt arbeid som gjev personleg utvikling
• Fagutvikling, internundervising og opplæring i MAP
• Eit godt og tverrfagleg arbeidsmiljø
• Løn i samsvar med gjeldande overeinskomst og gode pensjons- og forsikringsordningar