Vi søker jurist med interesse for finansmarknadene
- Arbeidsgiver
- Finanstilsynet
- Stillingstittel
- Jurist (rådgivar/seniorrådgivar) - ref.nr. 22/24
- Frist
- 29.08.2022
- Ansettelsesform
- Fast
Vi har ledig ei spennande stilling som jurist (rådgivar/seniorrådgivar) i seksjonen for konsesjonar og regulering som inngår i avdelinga for bank- og forsikringstilsyn. Seksjonen har tolv tilsette med høg og variert kompetanse frå mellom anna forvaltninga og finansnæringa.
Seksjonen har ansvaret for det finansregulatoriske regelverket, medrekna ansvaret for regelverksutvikling og behandling av forvaltningssaker innanfor bank- og forsikringsområdet. Dette omfattar mellom anna konsesjonssøknader, søknader om løyve ved oppkjøp, fusjonar og fisjonar av finansføretak, vurderingar av om styre og leiing i finansføretak er eigna, saker om godtgjering osv., etter finansforetaksloven. Seksjonen forvaltar i tillegg reglane i forsikringsvirksomhetsloven samt pensjonslovene. Seksjonen bistår òg tilsynsseksjonane i avdelinga elles. Finanstilsynet har ulike forvaltningsrettslege verkemiddel for å følge opp tilsynseiningane, medrekna bruk av påleggskompetanse, overtredingssgebyr og tilbakekall av løyve. Juristane på seksjonen har ei viktig oppgåve i å greie ut ulike problemstillingar, skrive vedtak og avstemme verkemiddelbruken.
Arbeidsoppgåver
- forvaltningsoppgåver innan bank, forsikrings- og pensjonsområdet, medrekna arbeid med nasjonalt og internasjonalt regelverk. Dette omfattar enkeltsaksbehandling samt varierte utgreiings- og lovtolkningsoppgåver
- bidra til å vidareutvikle rammevilkåra for norske finansføretak, mellom anna ved å tilpasse internasjonale tilsynsstandardar til norske forhold og å gjennomføre EU-regelverk i norsk rett
Stillinga gir moglegheit for varierte oppgåver, og den som blir tilsett må rekne med å bidra breidt innanfor seksjonens ansvarsområde, mellom anna i utviklinga av seksjonen sine arbeidsprosessar. Seksjonen samarbeider tett med øvrige seksjonar i Finanstilsynet.
Kvalifikasjonar
- juridisk embetseksamen (cand.jur./master i rettsvitskap) med gode resultat og minimum tre års arbeidserfaring
- interesse for finansmarknaden sin funksjonsmåte
- erfaring frå utgreiingsarbeid i forvaltninga, for eksempel departementa, eller kunnskap om det finansregulatoriske rammeverket for bankar og forsikringsføretak er ein fordel, men ingen føresetnad
- god skriftleg og munnleg framstillingsevne på norsk og engelsk
- godt juridisk skjønn
Personlege eigenskapar
- Du er initiativrik, tar ansvar for eigne arbeidsprosessar og arbeider nøyaktig.
- Du trivst godt med analytisk arbeid og har evne til å sjå moglegheiter og å vidareutvikle alt etablerte prosessar.
- Du har gode samarbeidsevner og er komfortabel med lagarbeid.
Personlig egnethet og motivasjon for stillingen tillegges vekt.
Vi tilbyr
- interessante og utfordrande arbeidsoppgåver med gode moglegheiter for fagleg utvikling
- hyggeleg arbeidsmiljø
- gode velferdsordningar, ei fleksibel arbeidstid og betalt overtid
- pensjonsordning og moglegheit for lån i Statens pensjonskasse
- gode treningsfasilitetar og moglegheit for trening i arbeidstida
- lønn og tiltreding etter avtale
Anna
- Etter utløpet av søknadsfristen vil det bli utarbeidd ei offentleg søkarliste, jf. offentlighetsloven § 25.
- Vi utfører bakgrunnssjekk av vedkommande som blir tilsett i stillinga.
- Søkarar må legge ved vitnemål og relevante attestar.
- Søknad kan skrivast på nynorsk eller bokmål.
- Dei tilsette i Finanstilsynet må følge strenge etiske retningslinjer, sjå: https://www.finanstilsynet.no/omfinanstilsynet/etiske-retningslinjer.
- Finanstilsynet er opptatt av mangfald, og vi oppfordrar derfor alle kvalifiserte kandidatar til å søke jobb hos oss, uansett alder, kjønn, funksjonsevne, etnisk bakgrunn eller hol i CV. Dersom det er mogleg, vil vi legge til rette for medarbeidarar som har behov for det. For positiv særbehandling. Sjå: http://arbeidsgiver.difi.no/positivsaerbehandling.
- For nærmare omtale av Finanstilsynet, sjå www.finanstilsynet.no.
Om arbeidsgiveren
Finanstilsynet arbeider for at finansinsføretak og finansmarknader fungerer trygt og effektivt til det beste for samfunnet og brukarane av finansielle tenester. Vi har om lag 300 tilsette og held til i moderne lokale i Oslo sentrum.
- Sektor
- Offentlig
- Sted
- Revierstredet 3, 0151 Oslo
- Bransje
- Bank, finans og forsikring
- Stillingsfunksjon
- Jurist
Nøkkelord
Bank, Forsikring, Finansmarked, Konsesjoner, Jurist
Spørsmål om stillingen
- Kontaktperson
- Kristin Schjønsby Kværnø
- Stillingstittel
- Senior tilsynsrådgiver
- Telefon
- 22 93 96 70
- Kontaktperson
- Hege Bunkholt Elstrand
- Stillingstittel
- Seksjonssjef
- Telefon
- 22 93 97 50
Revierstredet 3, 0151 Oslo