Rådgjevar jordbruk

Brenner du for landbruket og har ynskje om å være ein framtidsretta rådgjevar?

Grunna god tilgang på oppdrag søker NLR Vest etter rådgjevar i 100 % stilling innan fagområdet grovfôr. Stillinga skal dekke rådgjeving i Nordfjord/Sunnfjord, med kontor på Sandane.

Hovudoppgåva for stillinga er individuell rådgjeving i jord- og plantekultur til medlemane i NLR Vest. NLR Vest vil styrke nye fagområde, og ynskjer søkjar med interesse for og kompetanse også innan klimarådgjeving og sirkulærøkonomi.

Rådgjevaren blir tilslutta Faggruppe jordbruk, og vil arbeide i eit offensivt landbruksfagleg miljø med rådgjeving, kursverksemd, informasjon og kunnskapsutvikling. NLR Vest tilbyr bøndene tett oppfølging og rådgjeving, med fokus på god agronomi, miljø- og klimavenleg produksjon. Rådgjevarane i NLR Vest skal vere gode støttespelarar for medlemane, slik at dei oppnår eit godt økonomisk resultat i gardsdrifta.  

Søkjar med lite eller ingen praksis som rådgjevar, får tilbod om opplæring og oppfølging.

Arbeidsoppgåver:

• Rådgjeving og informasjon til medlemane våre
• Utvikle rådgjevingstilboda i regionen saman med andre rådgjevarar og samarbeidspartnarar
• Planlegge og gjennomføre fagmøte, kurs, prosjekt og feltforsøk
• Utarbeide gjødselplan og jordprøvetaking
• Vere oppdatert på siste nytt innan aktuelle fagområde

 Vi tilbyr:

• Variert og utviklande arbeid i eit aktivt fagmiljø med tru på landbruksnæringa
• Gode høve for fagleg utvikling og etterutdanning
• Stor grad av fleksibilitet og ansvar
• Løn etter avtale
• Gode pensjons- og forsikringsordningar

 Vi ynskjer medarbeidar med:

• God kunnskap og kompetanse innan jord- og plantekultur, spesielt grovfôrdyrking
• Universitets- eller høgskuleutdanning innan agronomi/plantevitskap, gjerne med praktisk erfaring
• Interesse for å utvikle landbruket i regionen
• Initiativ, engasjement og gode samarbeidsevner
• Evne til å arbeide sjølvstendig, men også i team
• God skriftleg og munnleg framstillingsevne på norsk
• Eigen bil til disposisjon og positivt syn på ein del reiseverksemd.