ID 1882 Brannkonstabel - Stord brann og redning

Stord brann og redning har ledig fire (4) nyoppretta stillingar i 100% stilling som brannkonstabel/utrykkingsleiar ved dagkasernert beredskapsavdeling på Leirvik stasjon. Stord brann og redning sin brannstasjon på Leirvik har i dag 34 heil- og deltidstilsette.

Utover dagkasernert beredskap, vil utrykkingsleiar gå i ein firedelt rotasjon med heimevakt kvar fjerde veke. Ettermiddag/kveld/natt- og helgeberedskap vert organisert med fire (4) vaktlag á seks (6) personar, som har heimevakt kvar 4. veke.

Arbeidsoppgåver

• utrykkingsleiar for eit vaktlag i ein firedelt rotasjon med heimevakt kvar fjerde veke - ettermiddag, kveld, natt og helg

• gjennomføre systematisk øving og trening for å oppretthalde og vidareutvikle naudsynt kompetanse i den dagkasernerte beredskapen, og for deltidsmannskap (4 vaktlag)

• bidra til å utvikle og oppretthalde ein god organisasjonskultur og eit godt arbeidsmiljø

• bidra til at Stord brann og redning er synleg og til stades for innbyggjarane i kommunen på ein god måte

• ha eit utvida ansvar for eitt av fire permanente områder/oppgåver som skal plasserast på dei fire utrykkingsleiarane som inngår i dagkasernert beredskap:

1. Administrere kommunen si bilordning/bilpark

2. Brannførebyggjande oppgåver

3. Kompetanseutvikling internt og eksternt

4. Stasjonsmeister med ansvar for HMT arbeid, beredskapsutstyr, bygg og øvingsfelt

• andre oppgåver kan bli tillagt stillinga

I tillegg øver vaktlaga omlag 40 timar i året.

Kvalifikasjonar

• gjennomført yrkesutdanning for utrykkingsleiar i samsvar med gjeldande reglar, eller vere villig til å gjennomføre utdanning etter tilsetjing

• leiarerfaring gjerne frå brannvesen eller andre operative etatar

• minst 5 års erfaring som brannkonstabel ved eitt brannvesen/annan relevant operativ erfaring

• relevant fagbrev innan tekniske fag eller anna relevant arbeidserfaring

• bustad i nærleiken av Leirvik brannstasjon, maksimalt 5 min køyretid frå stasjonen

• politi- og helseattest

• god fysisk helse og bestått lovpålagt fysisk test for innsatspersonell

• god psykisk helse

• førarkort minimum klasse C, eller vere villig til å ta sertifikat etter tilsetjing

• god norsk munnleg og skriftleg framstillingsevne

• normalt gode IKT-kunnskapar og god praktisk innsikt

• kode 160, eller vere villig til å gjennomføre kurs etter tilsetjing

Det vil bli lagt stor vekt på dine personlege eigenskapar, og din evne til å arbeide samt fungere i team.

Me tilbyr

Faglege og personlege utfordringar i eit godt og inspirerande arbeidsmiljø.

Stord ve og vel med moglegheit for leige av leilegheiter i Røldal, Husøy med båt og utleige av tilhengarar mm.

Løns- og arbeidsvilkår i samsvar med kommunalt avtaleverk.

Offentlig tenestepensjon i KLP.

Særskilte krav

Politiattest må visast fram ved tilbod om stilling. Me ber om at referansar vert oppgjevne i søknaden.

Kopi av vitnemål og attestar må takast med til eit eventuelt intervju.

Dersom søkjar ynskjer å verta unnateke frå offentleg søkjarliste, må det grunngjevast. Opplysningar om søkjaren kan bli offentleggjort, sjølv om søkjar har bedt om ikkje å verta oppført på søkjarlista. Søkjar vert varsla dersom ynskje om reservasjon ikkje vert teke til fylgje.