Psykolog/psykologspesialist

Avdeling TSB Ålesund har ledig 100 % fast stilling som psykolog/psykologspesialist.

Avdeling for TSB Ålesund tilbyr tverrfagleg spesialisert behandling til rusavhengige over 18 år. Fagmiljøet ved avdelinga er tverrfagleg sammensett og
inkluderer psykiatere, legar, psykologar og 3-årig helse- og sosialfaglege. Mange har vidareutdanning m.a. innanfor rus- og avhengighet, psykisk helse og familieterapi.

Poliklinisk seksjon har p.t. 18 stillingar. Ansvarsområdet til poliklinikken omfattar vurdering av henvisningar, poliklinisk utgreiing og behandling av pasientar med avhengigheit til rusmidlar, medikament eller pengespel, tilbod til pårørande, gruppe-/dagbehandling og legemiddelassistert rehabilitering. Korttids døgn har 24 plassar, i tillegg til 3 brukarstyrtesenger. Vi tilbyr utgreiing og behandling til rusavhengige både gjennom individuelle, miljøterapeutiske og gruppeterapeutiske tilnærmingar.

Ålesund er kåra til den vakraste byen i Norge. Ålesund sin vakre Jugendstilarkitektur er viden kjent. Eit mangfald av tårn, spir og vakre utsmykkingar er som teken ut av eit eventyr. Byen og omlandet har eit særs rikt kultur- og konsertliv med nasjonale og internasjonale artistar. Du kan og oppleve eit mangfold av fjordar, øyar og fjell som ventar på å få begeistre deg. 

Arbeidsoppgåver

• Kartlegging og utgreiing av funksjonsevne og psykisk helse
• Psykologiske vurderingar, diagnostisering og behandling
• Individuelt behandlingsansvar
• Vere ein del av eit tverrfagleg team
• Rettleiing og bistand til tverrfagleg team basert på psykologfagleg kunnskap
• Samarbeid med ulike faggrupper
• Eksternt samarbeid og undervisning
• Samtalar med pårørande 

Kvalifikasjonar

• Psykolog eller psykologspesialist med norsk autorisasjon, eller lisens som fører til autorisasjon
• Fordel med relevant spesialisering/jobberfaring frå arbeid med rus og/eller psykisk helse
• Erfaring frå tverrfagleg/tverretatleg samarbeid vert vektlagt
• Du må ha gode kommunikasjonsevner og gode norskferdigheiter både munnleg og skriftleg 
• God skriftleg framstillingsevne

Personlege eigenskapar

• Fleksibel, positiv, ansvarsbevisst og endringsorientert
• Sjølvstendig, men med evne til å samarbeide godt i team
  
• Evne til å handtere hektiske dagar 
• Ved tilsetjing vil ein leggje vekt på gode eigenskapar når det gjeld kommunikasjon med pasientar, pårørande og samarbeidspartnarar.          

Vi tilbyr

• Rettleiing
• Eit godt og triveleg miljø av dyktige og erfarne medarbeidarar
• Internundervisning, eigne fagdagar og personalseminar
• Aktivt arbeid for å ivareta eit godt arbeidsmiljø
• Sterkt tverrfagleg samarbeid
• Ein inkluderande arbeidsplass
• Rekrutteringstillegg
• Løn etter gjeldande overeinskomstar
• Medlemskap i god offentleg pensjonsordning og fordelaktige forsikringsvilkår