Psykolog/psykologspesialist i poliklinikk

Vi har ledig 100 % fast stilling som psykolog/psykologspesialist ved Poliklinikk rusbehandling TSB Ålesund.

Poliklinikk TSB Ålesund er ein poliklinikk i Avdeling for Tverrfaglig spesialisert rusbehandling i Helse Møre og Romsdal som består av ei tverrfaglig sammensett gruppe av tilsette som gir tilbod til pasienter med avhengighet til rusmidlar, vanedannande medikament, anabole steroider og spel. Vi gir også tilbod til pårørande.

Pasientgruppa består av pasientar som har rusvanskar og/eller ruslidingar, ofte med tilleggslidingar som traumelidingar, personlegheitsforstyrrelsar, nevrokognitive utfordringar m.m.
Fagmiljøet ved seksjonen er tverrfagleg sammensett og inkluderer psykiaterar, legar, psykologar og 3-årig helse- og sosialfaglege medarbeidarar med vidareutdanning.

Ansvarsområdet til poliklinikken omfattar vurdering av henvisningar, poliklinisk utgreiing og behandling av pasientar, tilbud til pårørande, samarbeid med 1.linje og andre tenester, gruppe-/dagbehandling og legemiddelassistert rehabilitering.

Som psykologspesialist har ein oppgåver som å bidra med psykologfagleg kunnskap og diagnosekompetanse inn i tverrfaglege samarbeid, utgreiing og terapi-oppfølging med pasientar som treng det. Gode tverrfaglege samarbeid er eit viktig fokus i vår seksjon, dette inneber å nytte dei ulike faggruppene sin kompetanse best mogeleg. Alle pasientar får tildelt ein pasientansvarleg koordinator som koordinerer pasientforløpet og har ansvar for pakkeforløp TSB. Som psykolog/ psykologspesialist vil ein i større grad bli nytta til psykologfaglege oppgåver, i det tverrfaglege samarbeidet og i direkte oppfølging med pasientar.  

Fagområdet TSB inneber ei stor breidde når det kjem til fagområde innan både psykisk helse og rus. Det gir gode moglegheiter til å jobbe med mange spennande problemstillingar, samtidig som det kan gi moglegheit til å fordjupe seg innan eige interesseområde. 

Ålesund er kåra til den vakraste byen i Norge. Ålesund sin vakre Jugendstilarkitektur er viden kjent. Eit mangfald av tårn, spir og vakre utsmykkingar er som teken ut av eit eventyr. Byen og omlandet har eit særs rikt kultur- og konsertliv med nasjonale og internasjonale artistar. Du kan og oppleve eit mangfold av fjordar, øyar og fjell som ventar på å få begeistre deg.

Arbeidsoppgåver

• Kartlegging og utgreiing av funksjonsevne og psykisk helse
  
• Relasjonsbygging med både pasientar og kollegaer
  
• Vere ein viktig del av eit tverrfagleg team
  
• Psykologiske vurderingar, diagnostisering og behandling
  
• Rolle som behandlar med ansvar for pasientar i rusbehandling
  
• Samarbeid med ulike faggrupper
  
• Eksternt samarbeid og undervisning
  
• Samtalar med pårørande

Kvalifikasjonar

• Psykolog eller psykologspesialist med norsk autorisasjon, psykolog eller psykolog på lisens som fører til autorisasjon kan og søke
  
• Fordel med relevant spesialisering/jobberfaring frå arbeid med rus og/eller psykisk helse
  
• Fordel med erfaring frå tverrfagleg/tverretatleg samarbeid vert vektlagt
  
• Erfaring frå rettleiing og undervisning vert vektlagt
  
• Ønskeleg med behandlarerfaring
  
• God evne til samarbeid vert vektlagt
  
• Du må ha gode kommunikasjonsevner og gode norskferdigheiter både munnleg og skriftleg
  
• Å vere personleg eigna vert tillagt stor vekt

Personlege eigenskapar

• Du er ein positiv, fleksibel og ansvarsbevisst kollega som både kan arbeide sjølvstendig og i eit tverrfagleg samarbeid
  
• Du likar å bidra til kompetanseutvikling
  
• Du må ha evne til å bidra til eit godt arbeidsmiljø
  
• Ved tilsetting vil ein legge vekt på gode eigenskapar når det gjeld kommunikasjon med pasientar, pårørande og samarbeidspartnarar

Vi tilbyr

• Spennande og krevjande arbeidsoppgåver i eit godt og kompetent team
  
• Eit kjekt fagmiljø
  
• Tilgang til internundervisning og fagdagar
  
• Sterkt tverrfagleg samarbeid
  
• Ein inkluderande arbeidsplass
  
• Løn og rekrutteringstillegg etter gjeldande overeinskomstar
  
• Medlemskap i god offentleg pensjonsordning og fordelaktige forsikringsvilkår