Reinhaldar/Reinhaldsoperatør

Eigedomsavdelinga er Vestland fylkeskommune si fagavdeling for bygge- og eigedomssaker. Avdelinga
skal ivareta fylkeskommunen sin byggherrefunksjon og er ansvarleg for forvaltning, drift, reinhald,
vedlikehald, og utvikling av fylkeskommunen sine eigedomar. Samla areal på eigedomsmassen er ca.
750.000 m², og utgjer vidaregåande skular, tannklinikkar, kollektivanlegg, kultur- og administrasjonsbygg.
Eigedomsavdelinga får totalt ca. 370 tilsette. Reinhaldstenesta er delt i 2 regionar og organisert i områder, der reinhaldsleiar har ansvar for 2-4 skuler.

Måløy vidaregåande skule har ca. 350 elevar og 85 tilsette. Skulen tilbyr heile åtte ulike utdanningsprogram med fleire moglegheiter innanfor kvart program. Særleg er vi kjende som den einaste vidaregåande skulen i nordre del av Vestland som tilbyr maritime fag.

Vi har ledig 1 x 50 %  og 1 x100% fast stilling som reinhaldar ved Måløy vidaregåande frå 15. august 2022.
Vi søkjer etter medarbeidar med kompetanse innan reinhaldsfaget. Vi søkjer primært etter ein person med fagbrev, men søkjarar utan fagbrev og med erfaring kan og vere aktuelle. 

Det er eit vilkår om godkjend politiattest for å bli tilsett med arbeidsstad i vidaregåande skule.
Variabel arbeidstid både dag- og kveldstid må påreknast.

Administrasjonsmålet i fylkeskommunen er nynorsk. Vi gjer merksam på at i følgje offentleglova § 25, 2. ledd kan opplysningar om søkjaren bli offentleggjort sjølv om du har oppmoda om ikkje å bli ført på offentleg søkjarliste. Dersom du har bedt om unntak frå offentleg søkjarliste vil du alltid bli varsla før søkjarlista vert offentleggjort.

Arbeidsoppgåver

• Reinhald av skulen sine lokale både med og utan maskin etter INSTA 800
  

Kvalifikasjonar

• Fagbrev som reinhaldar eller erfaring som reinhaldar
• Praktisk yrkeserfaring
• Gode norskkunnskaper, da arbeidsspråket er norsk
• Førerkort klasse B er eit ønske.

Personlege eigenskapar

• Gode kommunikasjonsevner, vere kreativ, påliteleg, initiativrik og serviceinnstilt
• Ha evne til å arbeida sjølvstendig, målretta og samarbeide godt med andre på skulen
• Fleksibel
• Kjennskap til databasert verktøy 
• Like å jobbe blant ungdom

Vi tilbyr

• Spennande oppgåver
• Engasjerte og dyktige medarbeidarar
• Gode moglegheiter for fagleg utvikling
• Gode pensjonsordningar
• Løns- og arbeidsvilkår etter gjeldande regelverk