2 ledige stillingar i 4H Sogn og Fjordane

Har du lyst på ein variert og spanande arbeidsdag? Vil du vere med å utvikle ein av Noregs kjekkaste barne og ungdomsorganisasjonar? Er du utadvendt, engasjert og god på samarbeid? Då ynskjer vi å høyre frå deg! 

4H Sogn og Fjordane har 2 ledige stillingar som organisasjonsrådgjevarar. Vikariatet varer til og med 31. 12. 23. Tilsetjing snarast råd. Søknadsfrist 23. februar.

Arbeidsoppgåver fast stilling 60%

• Planlegge, gjennomføre og evaluere arrangement og prosjekt
• Skrive søknader og rapporter
• Ide- og organisasjonsutvikling

Arbeidsoppgåver vikarstilling 80%

• Økonomi og rekneskap
• Tett kontakt med dei 65 lokale klubbane i regionen
• Nettverksbygging
• Informasjonsarbeid

Vi søker etter:

Vi søkjer deg som ynskjer nye utfordringar, som er glad i å snakke med folk og som likar å jobbe med arrangement og prosjekt. Du må vere klar for ein variert og innhaldsrik kvardag. Du må kunne arbeide sjølvstendig, samstundes som ein arbeider som team. 

Kvalifikasjonar

• Høgare utdanning eller fagbrev. Minimum 2 års relevant erfaring kompenserer for utdanning.
• Engasjert og lærevillig
• Gode evner innan kommunikasjon og samarbeid med mot barn og unge. 
• Grunnleggande kunnskap innan IKT
• Kjennskap til økonomi og administrasjon i frivillige organisasjonar
• Erfaring med frivillig arbeid, arrangement og prosjektorganisering
• Viktige eigenskapar: sjølvgåande, serviceinnstilt, profesjonell, kvalitetsbevisst, fleksibel og effektiv.

Du blir ein del av

Eit engasjerande arbeidsfellesskap i ein av Noregs største barne og ungdomsorganisasjonar.

Ein variert arbeidskvardag med moglegheit for påverknad, læring og sjølvutvikling.

Arbeidsvilkår

• Løn etter avtale
• Politiattest må leggast fram før tilsetjing
• Gode pensjons- og forsikringsordningar
• Fleksibel arbeidstid

Arbeidsstaden for stillinga er hos 4H Sogn og Fjordane, Hafstadgården i Førde. Ein må rekne med kvelds- og helgearbeid. Ein må ha førarkort klasse B, samt moglegheit for disponering av bil. Arbeidsgjevar er 4H Norge med regionkoordinator for Vestlandet som nærmaste overordna.