Utløpt

Vakre og familievennlege Fjaler kommune søker ny fastlege!

Arbeidsgiver: Fjaler Kommune
Stillingstittel: Fastlege
Frist: Snarest
Ansettelsesform: Fast

Det er no ledig ei fastløna 100% stilling som lege i Fjaler kommune. Legen vil ha ansvar for kommunale oppgåver på helsestasjonen i tillegg til fastlegeliste. Legepraksisen skal vere i samsvar med lov om kommunale helse og omsorgstenester, fastlegeforskrifta og anna relevant helselovgjeving. Som eit alternativ til fastløn kan legen få tilbod om driftstilskot. Fjaler legekontor har til saman tre fastlegar og ein LIS1 lege, i tillegg til tre stabile sjukepleiarar som syt for støttefunksjonane. Fjaler kommune er med i SYSIKL interkommunale legevaktsordning. Ordninga har i utgangspunktet låg vaktbelastning og stor fleksibilitet, der det er mogleg å få fleire vakter dersom ein ønskjer det. Det er viktig med god kommunikasjon og god samhandling både med leiinga og einingar internt i kommunen, og med publikum og andre eksterne instansar. Legekontoret nyttar info.doc journalsystem.

Fjaler kommune søker ny fastlege i 100% fast stilling

Arbeidsoppgåver

Helsestasjonslege 20% stilling
Fastlegeliste på 900 pasientar og deltaking i den interkommunale legevaktordninga
Planlegging, utvikling og driftsoppgåver knytta til til ansvars- og arbeidsområdet
Fastlegen kan få kommunale tenester innanfor rammene som er lagt i ASA 4310
Bidra til god samhandling mellom den kommunale helse- og omsorgstenesta og spesialisthelsetenesta
Kvalitetssikring og tilsyn, rådgjeving i forbindelse med klagehandtering
Oppgåver innan kartlegging, forsking, fagutvikling og undervisning

Kvalifikasjonar

Norsk autorisasjon som lege med refusjonsrett
Gode språkkunnskapar i norsk munnleg og skriftleg
Vi legg vekt på at personen er eigna til stillinga
Førarkort kl. B er ein fordel

Lege som ikkje er spesialist i allmennmedisin, må plikte seg til å fullføre spesialisering etter tilsetting. Arbeidsgjevar stiller med rettleiar og dekker kurs og andre utgifter til spesialisering i allmennmedisin.

Personlege eigenskapar

Gode samhandlingevner og fleksibilitet
God på kommunikasjon og rettleiing
Strukturert, ansvarsbevisst og sjølvstendig

Fjaler kommune tilbyr

Løn etter avtale
Gode pensjons- og forsikringsvilkår
Varierte og utfordrande arbeidsoppgåver i eit viktig samfunnsoppdrag
Ein vakker og familievenleg kommune å jobbe i

Dersom du har spørsmål til denne stillinga, er du velkomen til å ta kontakt med sr. rekrutteringsrådgivar, Per Erik Henriksen, på tel: 91781819.

Om arbeidsgiveren

Fjaler er ein liten kommune i Sogn og Fjordane med omlag 3000 innbyggjarar. Dei fleste er busett i og omkring administrasjonssenteret Dale eller i Flekke. I Flekke ligg Røde Kors Nordisk United World College, der det går 200 elevar frå heile 80 land. Den internasjonale skulen vart bygd i tilknyting til Haugland rehabiliteringssenter. Pecom, som jobbar med prosjektleiing innan energi, industri og offshore, Hywer AS, og ingeniørfirmaet Hansen Technologies Norway AS er viktige bedrifter for kommunen. Det er også industriområdet Lutelandet. Kunst og kultur er viktig for Fjaler. Kanskje nettopp fordi ein av Norges mest folkekjære diktarar vaks opp i Dale? På Jakob Sande-tunet kan ein besøke staden der diktaren vart fødd. Du kan også bli med på kulturvandring i Jakob Sande sine fotspor. I tillegg kan du besøke Nordisk Kunstnarsenter Dale. Kvart år i september vert Teaterfestivalen arrangert i Fjaler. Der får ein presentert engasjerande scenekunst av høgt kunstnarleg kvalitet. Det vert også invitert til debattar, foredrag og andre aktivitetar med utgangspunkt i forskjellege tema. Eit rikt organisasjonsliv med allsidige kultur- og fritidstilbod og gode skular og barnehagar i nærmiljøet, gjer Fjaler til ein god og trygg stad å vekse opp og bu i.

Sektor: Offentlig
Sted: Dalstunet 20, 6963 Dale i Sunnfjord
Bransje: Offentlig administrasjon
Stillingsfunksjon: Lege / Allmennmedisin,; Lege,; Ledelse