Vi søker kommunikasjonsrådgivar

Har du nyheitsteft, strategisk blikk og evne til å sjå samanhengar? Er du er samfunnsengasjert og har kunnskap om politiske prosessar? Er du tydeleg og presis i formidlinga, og trygg i kommunikasjonsfaget og bruk av digitale verktøy?

Då kan DU vere den vi ser etter!

Ved kommunikasjonsseksjonen lyser vi no ut etter ein kommunikasjonsrådgivar i 100 % fast stilling.

Du vil bli kollega med fire kommunikasjonsrådgivarar og ein grafisk designar, og får jobbe med kommunikasjonsfagleg rådgiving og rettleiing på tvers av fag- og tenesteområde i ein av dei største og mest komplekse organisasjonane i Møre og Romsdal.

Du får jobbe med

strategisk og operativt kommunikasjonsarbeid. Du vil også få oppgåver med å:

• Skrive nyheitssaker, pressemeldingar, kronikkar og innhaldsproduksjon på våre plattformer
• Bruk av foto og film i formidling av bodskap
• Analysere mediebildet og komme med råd om bodskap/ strategi/ handling
• Lage mediestrategiar
• Gi støtte til mediehandtering, kriseberedskap og andre kommunikasjonsoppgåver internt og eksternt

Andre oppgåver innan kommunikasjonsområdet kan bli lagt til stillinga.

Vi søker deg som

• Fleire års relevant arbeidserfaring innan kommunikasjon og/eller journalistikk
• Høgare utdanning innan kommunikasjon, samfunnsfag eller journalistikk. Relevant erfaring kan kompensere for utdanning
• Gode samarbeidsevner, stor arbeidskapasitet og tileignar deg raskt ny kunnskap.

I tillegg vil vi sjå etter deg som:

• Har eit tydeleg språk når du formidlar bodskap og som kan skrive nynorsk
• Er trygg i bruken av både tekst, foto, film i formidling av bodskap
• Har god digital kunnskap, er nysgjerrig og løysingsorientert
• Har erfaring med etablerte og nye kommunikasjonsplattformer
• Greier å sjå samanhengar på tvers av fagområda
• Er sjølvstendig, men har gode samarbeidsevner
• Er samfunnsengasjert og har kunnskap om politiske prosessar

Vi tilbyr

• Ei utfordrande stilling i eit arbeidsmiljø kjenneteikna av stor profesjonalitet og sterke fagmiljø
• God tilgang til faglege nettverk og fagleg utvikling
• Offentleg pensjonsordning, gruppelivs- og ulykkesforsikring
• Løn etter avtale

Om arbeidsplassen

Fylkeskommunen er ein regional samfunnsutviklar og tenesteleverandør. Vi løyser oppgåver for dei som bur og arbeider i Møre og Romsdal fylke. Dette gjer vi i samspel med kommunar, næringsliv og organisasjonar.

Kommunikasjonsseksjonen er ein av fire fagseksjonar i stab for organisasjon og tenesteutvikling, og vi har kontorstad på fylkeshuset i Molde. Staben yter tenester innan IT, tenesteutvikling og digitalisering, HR og kommunikasjon til heile organisasjonen.

Andre opplysningar

Vi har som mål å spegle mangfaldet i befolkninga. Alle med kompetansen vi etterspør er velkomne til å søke ledig stilling hos oss.