Utløpt

Ledige stillingar på Kommunikasjonssenteret

Arbeidsgiver: NAV
Stillingstittel: Ledige stillingar på Kommunikasjonssenteret
Frist: 22.05.2022
Ansettelsesform: Fast

NAV Økonomiteneste (ØT) er ein intern tenesteleverandør som leverer lønns- og rekneskapstenester til alle NAV sine statlege einingar. Dette inneber mellom anna utbetaling av 560 mrd. kroner i årlege ytingar, samt rettleiing for etaten sine 19 000 tilsette. NAV Økonomiteneste har ei viktig rolle for å sikre god rekneskapskvalitet i NAV. Eininga består av 95 tilsette fordelt på tre seksjonar og er lokalisert på Leikanger i Sogndal kommune, Vestland fylke.

Eit av våre satsingsområde er å vidareutvikle ØT sitt kommunikasjonssenter. Vi skal derfor styrke vårt miljø med ein fast og ei mellombels stilling som jobbar med kundeoppfølging, informasjons- og opplæringsaktivitetar. I tillegg har ØT ei viktig rolle i innføring av nye økonomiløysingar i NAV dei næraste åra.

Arbeidsoppgåver

Kommunikasjonssenteret er organisert i seksjon for Fagstøtte. Vi er brukarstøtte for tilsette i NAV og for leverandørar knytt til fagområda rekneskap, faktura og lønn, i tillegg leverer vi informasjons- og opplæringsmateriell på våre område.

Døme på oppgåver:

Hjelpe kundar via telefon og digitale kanalar
Planlegge og gjennomføre kommunikasjons- og opplæringstilbod tilpassa kundane sine behov
Produsere innhald og publisere i eksisterande kanalar som intranett, Teams, Yammer og webinar
Bidra til å vidareutvikle ØT sitt opplærings- og kommunikasjonsarbeid

Kvalifikasjonar

Relevant høgskule- eller universitetsutdanning, gjerne innan media/kommunikasjon, samfunnsfag eller økonomi
Relevant erfaring innan kundeservice og kommunikasjon
God munnleg, skriftleg og visuell framstillingsevne på norsk
Kunnskap om bruk av teknologi og kanalar/verkemiddel i kommunikasjonsarbeid
Kjennskap til lønns- og rekneskapsområdet vil vere ein fordel

Personlege eigenskapar

Du evner å jobbe effektivt og gjer gode prioriteringar
Du har evner til å samarbeide godt med andre, samtidig som du kan jobbe sjølvstendig
Du er serviceinnstilt og har evne til å sette deg inn i kunden sine behov
Du har engasjement for kommunikasjon og formidling
Du er kreativ, positiv og initiativrik

Vi tilbyr

Eit godt, inspirerande fagleg og sosialt miljø med spennande oppgåver
Gode moglegheiter for fagleg og personleg utvikling
Familievenleg personalpolitikk med gode velferdsordningar
Gode arbeidstidsordningar med fleksitid og treningstime i arbeidstida
Lønn som rådgjevar i lønnsspenn kr 468 300 - 534 400 brutto pr. år. For spesielt kvalifiserte søkjarar kan høgare lønn vurderast
God pensjonsordning gjennom Statens pensjonskasse

Arbeidsstad er Leikanger, og vi praktiserer hybrid arbeidskvardag med moglegheit for heimekontor.
Fint om du skriv i søknaden om du søker på den faste eller den midlertidige stillinga, eller begge.

Om arbeidsgiveren

NAV søkjer tilsette med hjarte for menneske og fagområda våre. Visjonen vår er å gje menneske moglegheiter, og dette gjer vi ved å utvikle Noregs beste arbeids- og velferdstenester.

NAV består av 19 000 kompetente og engasjerte medarbeidarar. Vi jobbar tverrfagleg i sterke fagmiljø. Hos oss skal arbeidsmiljøet pregast av involvering, openheit og tillit.

For å kunne levere best mogleg tenester er det viktig med mangfald i rekrutteringa. Vi oppmodar derfor personar med innvandrarbakgrunn, nedsett funksjonsevne og hol i CV-en til å søkje jobb hos oss. Vi legg arbeidsforholda til rette for deg viss du har behov for det. Ønskjer du å bli unntatt frå offentleg søkjarliste, må du grunngje dette. Del gjerne vitnemålet ditt eller karakterutskriftene dine på vitnemålsportalen.no.

NAVstilling

Sektor: Offentlig
Antall stillinger: 2
Sted: Sognefjordvegen 56, 6863 Leikanger
Bransje: Økonomi og regnskap,; PR, informasjon og kommunikasjon,; Organisasjoner,; Medie- og innholdsproduksjon,; Markedsanalyse
Stillingsfunksjon: Brukerstøtte/support,; Kundeservice,; Økonomi og regnskap