Ledig forskarstilling på feltet reiseliv

Forskar innan reiseliv

Vi ønskjer å utvide den tverrfaglege forskingsgruppa vår innan bærekraftig reiseliv, som i dag tel åtte personar. Gruppa utfører forskings- og utviklingsoppgåver på område som opplevingsbasert reiseliv, cruiseturisme, reiseliv og miljø, kvalitetssikring av reiselivsopplevingar, lokal og regional verdiskaping, innovasjon og produktutvikling av reiselivstenester. Vi byggjer kunnskap både til bruk i reiselivsbedriftene sitt innovasjons- og utviklingsarbeid, og til offentleg sektor og politikkutforming.

Arbeidsoppgåvene som ligg til denne forskarstillinga, er prosjektarbeid, utvikling av nye prosjekt, publisering og formidling av forskingsresultat.

Vi ser etter dyktige og motiverte medarbeidarar med erfaring frå forsking, helst med doktorgrad og bakgrunn innanfor reiseliv. Personar med mastergrad og relevant erfaring er òg aktuelle.

Du må vere sjølvstendig og trivast med oppdragsforsking. Vi legg vekt på formell kompetanse, publisering og anna dokumentert forskingsinnsats, personlege eigenskapar og nettverk. I tillegg ser vi det som nødvendig at du har gode samarbeidsevner og evne til å inngå i faglege fellesskap på tvers av disiplinar. Som forskar må du vidare ha god munnleg og skriftleg formuleringsevne både på norsk og engelsk.

Vi tilbyr fagleg interessante og utviklande oppgåver, godt arbeidsmiljø og gode velferdsordningar. Vi har velutvikla samarbeidsnettverk både på regionalt, nasjonalt og internasjonalt nivå.

Løn etter avtale. Arbeidsstad er Sogndal.

Vi ser fram til å høyre frå deg!