Utløpt

Pedagogstillingar i barnehagane i Voss herad frå 1.8.2022

Arbeidsgiver
Voss herad
Stillingstittel
Barnehagelærer
Frist
17.02.2022
Ansettelsesform
Fast

Voss herad søkjer engasjerte pedagogar med god fagleg kompetanse og med eit stort hjarta for barn. 

Me legg vekt på at barna skal møta engasjerte, kompetente og trygge vaksne som kan gje barna i Voss herad ein god barndom på vegen vidare i livet.

Me ser etter deg som ynskjer å bidra til at barna får rike og varierte opplevingar og erfaringar, utfordringar og mestringsopplevingar kvar dag i Vossabarnehagane.

 

Tilsettingsprosess

Dette er ei felles lysing for alle barnehagane i heradet. Dersom du ynskjer å arbeide i ein særskilt barnehage, må du skrive det i søknaden og gjerne med prioritering av barnehagane om du har fleire ynskje.

 

Om arbeidsstaden

Det er 10 kommunale barnehagar i heradet. I Vossabarnehagen er ein opptatt av å skapa kvalitet og gode relasjonar i møte med barn, foreldre og tilsette. I Vossabarnehagen arbeider ein kontinuerleg med å utvikla den gode barnehage.

 

Gå inn på heimesida til Voss herad for å finna informasjon om den einskilde barnehage.

 

Me har ledig både faste stillingar og vikariat som pedagogisk leiar, barnehagelærar og barnehagelærar knytt til einskildbarn i heradet.

 

Er du alt fast tilsett i ein barnehage i heradet og ynskjer anna type stilling, eller ynskjer å jobba i ein annan barnehage, må du søkje på stillinga her. I søknaden må du skrive kva type stilling og kva barnehage du ynskjer å jobbe i, etter prioritet 1,2,3.

 

Arbeidsoppgåver

* Planlegging, gjennomføring, dokumentasjon, vurdering og utvikling av det pedagogiske arbeidet

* Utvikle og ivareta eit godt samarbeid med barn og foreldre/føresette

* Vera bindeledd mellom barnehage og heim og andre faginstansar

* Førebu og gjennomføra oppstartsamtaler og foreldresamtaler

* Sørga for eit trygt og inkluderande barnehagemiljø

* Vera ein aktiv deltakar og bidragsytar i barnehagen sitt læringsmiljø

 

Me søkjer

Du som skal tilsetjast må ha utdanning som barnehagelærar


Menn vert oppmoda om å søkja

 

Godkjend politiattest må framleggjast før tiltreding i stillinga

Hugs å gje opp referansar

 

Personlege eigenskapar

* Du er blid, omgjengeleg og ein god lagspelar

* Du er ein tydleg vaksenperson med gode evner til å gje omsorg

* Du har fokus på barna sitt beste, evne og vilje til å samarbeida, og kan jobba sjølvstendig

* Du er utviklingsorientert, engasjert, løysingsorientert og fleksibel

 

Me tilbyr

* Mektig natur, ski- og fritidsterreng med aktivitetar frå fjord til fjell

* Ein kultur der me deler kunnskap og erfaring med kvarandre

* Gode kollegaer og eit positivt barnehagemiljø

* Ein innhaldsrik kvardag med utfordringar og gode moglegheiter til å bruka seg sjølv og sine interesser

* Humor og glede i kvardagen

* Gode forsikrings- og pensjonsordningar

* Løn etter kommunalt avtaleverk og elles tilsetjing på vanlege kommunale vilkår

Om arbeidsgiveren

Heradet har om lag 15.800 innbyggjarar, med Vossevangen som regionssenter. Bygda vår er senter for utdanning i regionen og har eit godt utbygd næringsliv. Voss er eit knutepunkt langs stamvegen aust - vest, og har godt togsamband til Bergen og Oslo.

Voss herad er den største arbeidsgjevaren i bygda, med om lag 1350 tilsette. Nynorsk er
administrasjonsmålet i heradet. Kan du identifisera deg med verdiar som profesjonell, påliteleg, skapande og inkluderande, kan du bli ein del av laget vårt. På vanleg vossa-vis går me for å verta verdas beste herad!

Sektor
Offentlig
Antall stillinger
15
Sted
5700 Voss
Bransje
Barn, skole og undervisning
Stillingsfunksjon
Barnehage / Barnehagelærer,
Barnehage / Pedagogisk leder

Nøkkelord

barnehage, pedagogisk leiar, støttepedagog, barnehagelærerutdanning

Spørsmål om stillingen

Kontaktperson
Frøydis Solbakk
Stillingstittel
leiar for barnehage
Mobil
45 29 28 55
Følg firma
170 følger dette firmaet

5700 Voss

Annonseinformasjon

FINN-kode 245495077
Sist endret 3. mar. 2022 11:20

Rapporter annonse