Prosjektutviklar for grøn omstilling av skipsfarten

Brenn du for det grøne skiftet og likar å skape, utvikle og leie prosjekt?

I Maritime CleanTech får du sjansen til å realisere ambisjonane!

Maritime CleanTech er i vekst og treng fleire nye medarbeidarar, både nyutdanna og erfarne. Me brenn for berekraftig innovasjon realisert gjennom norsk maritim industri. Saman med medlemsbedriftene våre utviklar me grønare løysingar for fartøy og infrastruktur.

Hos oss får du erfaring med forretningsutvikling, strategi og teknologi, og du blir raskt involvert i teamarbeid, prosjektutvikling og innovasjon. Den me ser etter har kapasitet til å drive fram spanande løysingar, og vil raskt kunne få ansvar for å leie ulike prosjekt. Gjennom tett samarbeid med dei mange medlemsbedriftene våre vil du få tilgang til eit unikt nettverk av dyktige partnarar frå heile den maritime næringa. 

Arbeidsdagen hos oss er variert og dynamisk. Me har eit godt og inkluderande arbeidsmiljø, og mange spanande utfordringar i ei av Noregs viktigaste framtidsnæringar.

Oppgåver knytt til stillinga:  

• Identifisere og utvikle innovasjonsprosjekt i samarbeid med bedrifter i klynga, offentlege aktørar og forskings- og utviklingsmiljø 
• Utarbeide søknader til ulike verkemiddelordningar
• Opptre som Maritime CleanTech sin representant utad, både i prosjekt, møte med medlemsbedrifter og dialog med eksterne partnarar
• Samarbeide med ulike kompetansemiljø 
• Utføre analysearbeid som underbygger og synleggjer arbeidet med grøn skipsfart 
• Delansvar for oppfølging av medlemsbedriftene

Dei me ser etter har: 

• Teknisk, økonomisk eller annan relevant utdanning på masternivå
• Kunnskap og interesse for utvikling av grøne, maritime løysingar til kyst- og havrelaterte næringar som passasjertransport, skipsfart, havbruk, fornybar energi og oljesektoren 
• Gode munnlege og skriftlege formuleringsevner på norsk og engelsk 
• Evne til strategisk og analytisk tenking 
• Fleksibilitet,høg arbeidskapasitet, og er nytenkande, positiv og motivert 
• Sosiale eigenskapar med evne til å jobbe i team, skape relasjonar og bygge nettverk 

I tillegg er det ein fordel om du har relevant jobberfaring, gjerne frå maritime bedrifter eller prosjektutvikling. 

Maritime CleanTech er ei nasjonal klynge med hovudkontor på Stord og tilsette i Bergen og Stavanger. Fleksible ordningar for arbeidsstad kan diskuterast. Noko reising må påreknast.  

Me tilbyr konkurransedyktige vilkår i eit av dei mest innovative og framoverlente næringsmiljøa i verda.  

Korleis søke? 

Send oss ein cv og kortfatta søknad. Me svarar løpande.

Spørsmål om stillinga kan rettast til  innovasjonsdirektør Øystein Huglen. Spørsmål om søknadsprosessen kan rettast til administrasjonsleiar Karina Hope Sortland.