Planleggar utbyggingsprosjekt

Vi søker etter ein dyktig medarbeidar som kan vere med på å styrke vårt arbeid med å sikre behovet til sjøtransporten for effektiv og sikker seglas, og ferdsel i farvatnet.

Kystverket utviklar transportsystem til sjøs som er sikre, fremmar verdiskaping og bidreg til omstilling til lågutsleppsamfunnet. Det er sett ambisiøse mål innan framkome, transportsikkerheit og innan klima/miljø. Konkurranseevna til sjøtransporten, utnytting av ny teknologi, samt organisasjonsutvikling, er viktige utfordringar for å kunne møte morgondagens krav. Kystverket har brei samhandlingsflate mot andre samfunnsaktørar, og har internasjonalt samarbeid både med nasjonar og organisasjonar for å standardisere, effektivisere og trygge sjøfarten.

Kystverkets visjon er å utvikle kysten og havområda til verdas sikraste og reinaste.

Det er no ledig ei stilling som rådgivar innan utgreiing og planlegging i tidleg fase for utbyggingsprosjekt i Kystverket si utbyggingsavdeling. Stillingstittel er rådgivar/seniorrådgivar. Avdelinga har til saman 30 tilsette hovudsakleg i Kabelvåg.  Arbeidsfeltet er allsidig og variert, og ikkje minst engasjerande. Oppgåvene vil vere knytt til både utgreiing og planlegging av Kystverket si utbyggingsportefølje. 

Arbeidsoppgåver

• Kartlegge og dokumentere behov og samfunnsnytte i potensielle prosjekter
• Gjennomføre utgreiing av prosjekt i tråd med utgreiingsinstruksen og interne prosedyrer
• Bestille og følge opp analyser og undersøkingar
• Utarbeide og følge opp rådgivarkontraktar
• Ta del i interne prosjektgrupper og team
• Sikre samhandling og dialog internt og eksternt med sjøtransporten, det offentlege og næringslivet
• Andre oppgåver kan bli tillagt stillinga

Kvalifikasjonar

• Utdanning minimum på bachelornivå innan områda samfunn-, samferdsle- eller planfag
• 3 års relevant erfaring/kunnskap frå prosjektutgreiing eller utgreiing frå samferdsle, primært knytt til infrastrukturtiltak
• God evne til å legge fram saker både munnleg og skriftleg på norsk og engelsk
• Det er ønskeleg med erfaring innan oppfølging av eksterne rådgivarar
• Førarkort klasse B

Personlege eigenskapar

• Sjølvstendig med evne til å ta initiativ
• Gode evner til kontaktskaping
• Analytisk og strukturert
• Evne til å samarbeide på tvers av ulike fagområder og administrative grenser
• Høg arbeidskapasitet og stor gjennomføringsevne. 
• Framtidsretta, engasjert og påliteleg - som er Kystverkets verdiar

Vi tilbyr

• Utfordrande, interessante og varierte arbeidsoppgåver
• Eit kollegialt og utviklande fagmiljø
• Gode velferdsordningar
• Fleksibel arbeidstid
• Kystverket er ei IA-bedrift
• Gode moglegheiter for etter- og vidareutdanning
• Pensjonsordning i Statens pensjonskasse
• Stillinga er plassert i stillingskode 1434/1364 som rådgivar/seniorrådgivar med startlønn frå kr 543 500 (ltr 60), til kr 734 400 (ltr 76), avhengig av kvalifikasjonar og erfaring.
  

Arbeidsstad for tida Kabelvåg

Noko reising må påreknast

Anna