Sjukepleiar / vernepleiar

Avd. Psykisk helse har ledig 100 % fast stilling for sjukepleiar/vernepleiar. Stillinga er i hovudsak knytt til arbeid med rusavhengige.

Arbeidsstad
Stillinga er tilknytt avd. Psykisk helse med oppmøtestad i avdelinga sin personalbase på Os-sida av kommunen. Personellet på begge sider av fjorden samarbeider om den daglege drifta og bistår kvarandre på tvers av teama når det er nødvendig og hensiktsmessig.

Arbeidsoppgåver
Du vil arbeida i tverrfagleg team og yte tenester etter vedtak i helse- og omsorgstenestelova. Du vil få ansvar for både individuell - og gruppebasert oppfølging, samt deltaking i drift av dagtilboda. Avdelinga har ansvar for oppfølging av vaksne pasientar med behov for helsehjelp på grunn av psykiske helse- og rusutfordringar. 

Stillinga har arbeid på dagtid.

Kvalifikasjonar

• Helsefagleg høgskuleutdanning som sjukepleiar eller vernepleiar
• Vidareutdanning i psykisk helse- og / eller rusarbeid er ønskeleg
• Ønskeleg med arbeidserfaring frå kommunalt psykisk helse- og rusarbeid, men vidareutdanning i psykisk helse- og rusarbeid kan kompensere for manglande erfaring.
• Likar utfordringar, tar initiativ til å arbeida for forbetringar og gode løysingar
• Evne til å arbeida målretta og ha god struktur
• Evne til å byggja gode relasjonar både overfor brukarar og kollegaer
• Erfaring frå psykisk helsearbeid innan kommunehelsetenesta vil bli lagt vekt på 
• Det vert lagt særskild vekt på personlege eigenskapar
• Må ha førarkort klasse B og det er ønskeleg at du kan disponere bil

Som medarbeidar må du lika å arbeida sjølvstendig, men samstundes vera fleksibel, god på samarbeid i tverrfagleg team og villig til å påta deg ansvar. Vi har ei kommunal helseteneste med stor bredde i type oppgåver og det er til tider ein hektisk kvardag. Hjå oss har vi ein kultur der alle bidreg ved behov. Du som søkjer desse stillingane må difor trivast med mange og varierte arbeidsoppgåver i ein travel kvardag. Bjørnafjorden kommune dekkjer eit stort geografisk område som omfattar oppfølging av pasientar i tidlegare Os og Fusa kommune. 

Vi gjer merksam på at du må leggja fram politiattest.

Vi tilbyr

• Faglege og personlege utfordringar i eit godt og inspirerande arbeidsmiljø
• Gunstig pensjonsordning, yrkesskade- og gruppelivsforsikring
• Løn etter gjeldande avtalar
• Vi arbeidar for å få etablert heiltidskultur i kommunen

Her kan du lese meir om pensjonsordninga i KLP Offentlig tjenestepensjon kort fortalt - KLP.no. 

For undervisningsstillinger kan du lese meir om pensjonsordninga hos Statens Pensjonskasse; Forside SPK.no - Statens pensjonskasse

Etter utløpt søknadsfrist, vil det bli generert ei offentleg søkjarliste med namn, alder, stilling eller yrkestittel og bustads- eller arbeidskommune for kvar søkjar. Det kan gjerast unntak frå innsyn for opplysningar om ein søkjar dersom vedkomande sjølv ber om det. Opplysningar om ein søkjar kan bli offentlege sjølv om ein har kryssa av for å bli unnateke. Dersom anmodningen ikkje vert tatt til følgje vil søkjaren bli varsla om det.

Vi vil aldri be søkjar om å oppgi BANK-ID informasjon i søknadsprosessen.