Pedagog i barnehage - Fast stilling og vikariat - med rekrutteringstiltak!

Vang kommune har to ledige pedagogstillingar i Fredheim barnehage: 

• Pedagog: 100 % fast stilling, pt vil pedagog/spes.pedagog i hovudsak ha ansvar for enkeltbarn. Ynskjeleg med spesialpedagogisk utdanning og (eller) erfaring. Oppstartsdato etter avtale.
• Pedagogisk leiar: 100 % vikariat frå ca april 2022 til august 2023.

Barnehagebarna våre fortener dei beste pedagogane. Me søkjer derfor etter fagleg sterke og engasjerte pedagogar som brenn for barna si læring og trivsel!

Kommunen satsar sterkt på psykisk helse og livsmeistring, med robuste barn og unge som taklar medgang og motgang. Oppvekstsektoren i Vang har eit felles utviklingsprosjekt gjennom SmartOppvekst, og me er no i vårt fjerde år i denne satsinga. Vert du med oss på laget?

Rekrutteringstiltak: Flyttegodtgjering og redusert husleige!

For fast stilling tilbyr kommunen flyttegodtgjering (kompensasjon av faktiske flytteutgifter inntil gitt sum) og redusert husleige det første året (enten ved kommunal bustad eller bidrag til husleige i ved privat leige etter prisanslag). Bindingstid vil tilkome.

For vikariatet kan kommunen tilby redusert husleige i tilsetjingsperioda (enten ved kommunal bustad eller bidrag til husleige ved privat leige etter prisanslag).

Fredheim barnehage
Fredheim barnehage er sentrumsbarnehagen med gangavstand til biblioteket, kommunehuset, skulen og fleirbrukshallen.
Bygget inneheld to avdelingar. Stor avdeling, Grindagjengen, med plass til 25 barn i alderen 4-6 år, og Hugagløtten som er minste avdeling, med plass til 18 barn i alderen 1-3 år.
I Vang er det naturleg å vera mykje ute i vår vakre natur. Fredheim barnehage har faste utedagar i veka, og turdagane går til naturskjønne områder i nærleiken av barnehagen. Søvelbua er turmål nr. 1 største delen av året. Elles er det turar for dei største barna både til Fugleberg, langs Kongevegen og til Krøsshaug.

Arbeidsoppgåver

• Delta aktivt i leik og aktivitetar
• Ansvar for planlegging av pedagogisk opplegg
• Medansvar for omsorg og pedagogisk arbeid i barnehagen, blant anna aktivitetar, samlingsstund og leik
• Medansvar for at dei praktiske arbeidsoppgåvene vert gjennomført i samarbeid med øvrig personale

Kvalifikasjonar

• Utdanning som barnehagelærar/førskulelærar
• Gjerne med spesialpedagogisk kompetanse og erfaring 
• Gode norskkunnskapar munnleg og skriftleg

Personlege eigenskapar

Me ser etter deg som

• er relasjonsbyggar, som er varm, raus, set borna først og ser læring i leik
• har gode samarbeids- og kommunikasjonsevnar
• er opptatt av å skape gode relasjonar til barna, foreldre og kollegaer
• er strukturert og endringsvillig

Personlege eigenskapar og eignaheit for stillinga vil verte vektlagt.

Godkjent politiattest skal leverast ved tilsetjing.

Vi tilbyr

• Eit inkluderande og engasjert arbeidsmiljø med høgt fagleg fokus
• Løn etter tariff og arbeidsvilkår etter gjeldande lov – og avtaleverk
• Gode pensjons- og forsikringsordningar
• Kommunen kan hjelpe til med bustad
• Vang kommune nyttar nynorsk som målform
• Tilsetjing på ordinære vilkår som gjeld til ei kvar tid i kommunal sektor.