Rådgjevar innan hydrologi eller vassdragsteknikk

Sunnfjord Geo Center har kontor i Bergen, Førde og Stongfjorden. Vi har for tida aukande pågang av oppdrag og ser derfor etter hydrolog/sivilingeniør med erfaring og kompetanse innan flaum og/eller vassdragsteknikk til eitt av våre kontor. Vi ser hovudsakleg etter personar med erfaring, men nyutdanna vert òg oppmoda om å søke. 

Du vil vere med å administrere og utvikle arbeidsoppgåver og leveransar i samband med problemstillingar kring flaum og overvatn. Du kjem til å samarbeide tverrfagleg med dei andre avdelingane i selskapet i større prosjekt, men også med mindre prosjekt der ein jobbar sjølvstendig.

Arbeidsoppgåver:

• utarbeide flaumfarevurderingar i samsvar med TEK17 og NVE sine retningsliner
• kartlegging av erosjonsfare
• kartlegging av flaumvegar og kritiske punkt i bratte bekkar
• utgreiing og prosjektering av sikringstiltak mot flaum og erosjon
• jobbe tverrfagleg med dei andre avdelingane i Sunnfjord Geo Center
• bidra til å utvikle selskapet si flaumavdeling

Kvalifikasjonar:

• sivilingeniør eller mastergrad i naturvitskap med relevante emne
• gode munnlege og skriftlege kommunikasjonsevner på norsk
• kjennskap til relevant programvare, som td. HEC-RAS, HY-8 eller MIKE
• erfaring med hydraulisk modellering
• erfaring med GIS

Personlege eigenskapar:

• du er fagleg engasjert og tek initiativ
• du trivast med varierte arbeidsoppgåver og å jobbe tverrfagleg
• du har evna til å jobbe sjølvstendig, effektivt og løysingsorientert
• du har gode samarbeidsevner

Vi kan tilby:

• konkurransedyktig løn
• gode pensjons- og forsikringsordningar
• mogelegheit til å påverke eigen og selskapet si utvikling
• varierte og tverrfaglege arbeidsoppgåver der diskusjon og samarbeid står i fokus
• gode mogelegheiter for fagleg og personleg utvikling
• fleksibel arbeidsstad
• sosiale samankonstar, turar og ekskursjonar