Daglig leder
Jotunheimen booking og arrangement AS
- Frist 21.11.2021
- Ansettelsesform Fast
Dagleg leiar, Jotunheimen booking og arrangement AS
Er du erfaren med salsarbeid, produktpakking og marknadsføring har du no ei unik moglegheit til å skaffe deg drøymejobben i fjellbygda Lom!
Er du i tillegg gira på å freiste enda fleire til å oppleve den unike naturen, aktivitetane, maten og kulturen i Lom og Jotunheimen?
Dei tre veletablerte reiselivsbedriftene Nordal turistsenter, Fossberg hotell og Fossheim hotell i Lom kommune er i ferd med å danne eit felles selskap som skal ha fokus op produktpakking, salsarbeid, marknadsføring og kampanje- og arrangementsutvikling.
Med base i nasjonalparklandsbyen Lom, med Galdhøpiggen, Glittertind og andre naturopplevingar i “bakhagen”, er dette ei sjeldan moglegheit til å utfolde seg i den kjente Jotunheimen nasjonalpark – kremen av Fjell-Noreg.
Arbeidsoppgåver og ansvarsområde*
- Bidra til auka synlegheit for selskapet gjennom strategisk kommunikasjon, sal og marknadsføring både nasjonalt og internasjonalt.
- Arbeide for effektivisering og digitalisering av salsstrategi og rutinar for oppfylging.
- Jobbe med arrangement- og produktutvikling for bedriftene, med mål om å styrke låg- og skuldersesongene.
- "Pakking av eksisterande og nye reiseopplevingar.
- Ansvar for å planlegge og gjennomføre løpande administrasjonsoppgåver og drift av selskapet på dagleg basis, med budsjett og resultatansvar.
- Sal og marknadsføring av dei tre selskapa
- Arbeide tett med eigarane heile året, samt med tilgrensande samarbeidspartnarar.
*Sidan dette er ei nyetablert stilling i eit selskap under stifting, vil ein del av arbeidsoppgåvene bli definert undervegs. Stillinga vil bli utvikla i tett dialog med leiinga og salsapparat i eigarbedriftene.
Vi ser etter deg som har:
- Relevant høgare utdanning - erfaring og personlege eigenskapar kan kompensere for utdanning
- Erfaring innan sal og marknadsføring (ink. B2B-arbeid og prosjektarbeid), arrangementsplanlegging og /eller prosjektutvikling i reiselivet.
- Grunnleggande økonomi- og rekneskapsforståing.
- Erfaring i bruk av ulike bransjeprogramvare som bookingsystemar, CRM, økonomi/rekneskap.
- God forståing på digitale verktøy, webløysingar, sosiale media samt marknadsføringsanalyse av statistikkarbeid.
- God skriftleg og munnleg framstillingsevne, både norsk og engelsk, gjerne tysk.
- God visuell framstillingsevne.
Vi ynskjer at du:
- Er utadvendt, serviceorientert og handlekraftig.
- Evnar å jobbe sjølvstendig, men og i team
- Har erfaring frå næringslivet, strategisk kompetanse og forståing av bransje både gjennom eiga erfaring og opplevingar som gjest.
Vi kan freiste med:
- Utfordrande og spennande oppgåver.
- Moglegheit til å kunne påverke utviklinga av reiselivet i Lom og Jotunheimen.
- Arbeidsstad på ein av dei mest attraktive høgfjellsdestinasjonane i Norge.
- Konkurransedyktige vilkår og fleksible arbeidstidsordningar.
Kjenner du at «fjellet kallar»? Ja, da er det berre å sende oss ein søknad!
For spørsmål til stillinga, kontakt:
Heidrun Garmo, Fossheim Hotell
Søknad med CV må sendast innan 21.november 2021 til Fossheim hotell, Bergomsvegen 32, 2686 Lom, eller på e-post.
Om arbeidsgiveren
Dette er eit nyoppretta selskap med base i nasjonalparklandsbyen Lom. Bak selskapet står dei tre tradisjonsrike serverings- og overnattingsbedriftene Nordal, Fossheim og Fossberg, som alle har vore sentrale i reiselivet i Lom sidan slutten av 1800-talet!
Lom sentrum er eit knytepunkt mellom aust og vest, og det er stutt veg over til fjordlandskapet i både Geiranger, Sogn og Stryn / Loen. Området er kjent for sin storslegne natur og varierte mat-, kultur- og aktivitetstilbod. Tydelege sesongsvingingar gjer det nødvendig med målretta arbeid for å fylle større delar av året med gjestar og aktivitetar.
- Sektor: Privat
- Sted: 2686 Lom
- Bransje: Hotell og overnatting, Reise og turisme, Restaurant, mat og uteliv
- Stillingsfunksjon: Booking, Markedsfører, Salg
Lom nasjonalparklandsby med "bygdafjellet" Lomseggen (1/11)
- FINN-kode 237595235
- Sist endret