Marknadskoordinator

Varierte arbeidsoppgåver

Som marknadskoordinator får du ei sentral rolle i Patentstyret. Du skal bidra til å koordinere dei eksterne aktivitetane som foredrag og rettleiingsarbeid, og sikre god administrasjon og profesjonell gjennomføring av kursa våre.

Vi er på jakt etter deg som er god til å koordinere og utvikle Patentstyrets eksterne kunnskapsformidling, i tillegg til administrasjon og gjennomføring av kurs og arrangement. Dine viktigaste oppgåver vil vere å sørgje for praktiske førebuingar og gjennomføring av Patentstyrets kurs, og ha tett kontakt med både eksterne og interne foredragshaldarar. Du vil få eit spesielt ansvar for å gjennomføre strøyming av webinara våre.

Kva kvalifikasjonar har du?

• Bachelorgrad, fortrinnsvis innan marknadsføring eller administrative fag
• god munnleg og skriftleg kommunikasjonsevne på norsk og engelsk
• gode IT-kunnskapar
• gjerne erfaring med marknadsførings- eller kursarbeid
• kjennskap til det offentlege verkemiddelapparatet og norske innovasjonsmiljø 

Kven er du som person?

Vi legg stor vekt på personlege eigenskapar, og vi ønskjer å tilsetje deg som er 

• sjølvstendig og strukturert
• produktiv og kan levere resultat innan gitte fristar
• initiativrik, effektiv og nøyaktig
• engasjert og nysgjerrig
• lyttande og flink til å samarbeide  

Vi tilbyr

• eit godt arbeidsmiljø som verdset mangfald
• ein variert og fleksibel arbeidskvardag i ein velfungerande organisasjon
• gode høve til fagleg og personleg vekst i eit sterkt kompetansemiljø
• høve til å påverke og ta ansvar
• fleksibel arbeidstidsordning og sommartid
• gode heimekontorordningar
• pensjonsordning og høve for lån i Statens pensjonskasse gode velferdsordningar  

Les meir på nettsidene våre: https://www.patentstyret.no/om-oss/jobb-hos-oss/ 

Stillinga blir kunngjord som fyrstekonsulent/seniorkonsulent frå kr 446 800 – kr 580 000. For særleg kvalifiserte søkjarar kan vi vurdere høgare lønn.

Slik søkjer du
Søknad blir send elektronisk via lenka "Søk stillinga". Legg ved vitnemål og eventuelle attestar.

Inkluderande arbeidsliv og mangfald
Dersom det er kvalifiserte søkjarar med funksjonsnedsetjing, hol i CV-en eller innvandrarbakgrunn, skal vi innkalle minst ein søkjar i kvar av desse gruppene til intervju. For å bli vurdert som søkjar i desse gruppene, det vil seie positivt særbehandla på denne måten, må søkjarane oppfylle visse krav. Les meir om krava på Arbeidsgiverportalen (https://arbeidsgiver.difi.no/positivsaerbehandling).
Vi oppmodar søkjarar til å krysse av i jobbportalen dersom dei har funksjonsnedsetjing, hol i CV-en eller innvandrarbakgrunn. Avkrysningane i jobbsøkjarportalen skaper grunnlag for anonymisert statistikk som alle statlege verksemder rapporterer i årsrapportane sine. 
Arbeidsforholda vil bli lagde til rette for medarbeidarar med nedsett funksjonsevne.

Offentleg søkjarliste
Etter søknadsfristen vil det bli utarbeidt offentleg søkjarliste. I samsvar med offentleglova § 25 gjer vi merksam på at opplysingar om søkjaren kan bli offentleggjord sjølv om søkjaren har bedt om ikkje å bli ført opp på søkjarlista. Vedkomande vil i tilfelle bli varsla.

Bakgrunnssjekk
Patentstyret gjer bakgrunnssjekk av aktuelle søkjarar for å verifisere opplysingar som kjem fram av CV og tilgjengeleg dokumentasjon. Verifisering av bakgrunnssjekk blir gjennomførd av Semac. Vi gjer ikkje bakgrunnssjekk utan samtykke frå søkjaren, og aktuelle kandidatar vil motta nærmare informasjon om dette.