Har du erfaring med psykisk helse og/eller rus?

Kort om stillinga

 Alver kommune- psykisk helse og rus har fått tilskotsmidlar til å lyse ut ei stilling som erfaringskonsulent. Denne stillinga er primært knytt til rusteamet, og spesielt til Arbeidsaktiv . Arbeidsaktiv er eit arbeid,-  og aktivitetstilbod for personar med rusrelaterte helseproblem. Måla er auka meistring og betre livskvalitet gjennom aktivitetar, trening og arbeid, samt gjere den enkelte deltakar betre rusta til å ta steget ut i arbeid, eller kunne nyttiggjere seg av tilboda NAV har på dette området.

Gjennom arbeid og aktivitet prøver me å ivareta den enkelte deltakar sine ønskjer og behov, slik at utfordringar og krav vil gje gode opplevingar av meistring og utvikling.

Arbeid i heile avdelinga må påreknast etter behov. Stillinga er ledig frå 01.01.2022.

Om Psykisk helse og rus tenester - avdeling heimebuande

Psykisk helse og rus teneste- avdeling heimebuande gjev tenester i heile kommunen. Avdelinga har driftskontor på Manger, Knarvik og Frekhaug, samt eit rusteam som gjev tenester i heile kommunen. Avdelinga gjev tilbod på dagtid. Hovudoppgåva for tenesta er psykisk helse og rusarbeid til unge og vaksne som har hatt, har, eller er i ferd med å utvikle psykisk liding og/eller rusproblem. Tilbodet vert gitt som individuell oppfølging, gruppetilbod og arbeids- og aktivitetstilbod.

Vi har ein recoveryorientert tankegang og tilnærminga vår er at menneske kan leve meiningsfulle og tilfredsstillande liv, på tross av psykiske helse og rusutfordringar.

Arbeidsoppgåver

• Planlegge og tilrettelegge for arbeid og aktivitet saman med teamet og brukarar
• Rettleie til auka meistring gjennom tilpassa støtte og opplæring i utføring av arbeidsoppgåver
• Skape eit godt miljø og gode arbeids- og aktivitetsoppgåver for deltakarane
• Arbeidsoppgåver vil variere etter behov

Kvalifikasjonar

• Relevant erfaringskompetanse frå psykisk helse- og rustenester
• Gjennomført Medarbeidar med brukarerfaring (MB)-utdanninga i Bergen eller tilsvarande
• Ha eit avklart og reflektert forhoold til eiga historie og vere villig til å bruke eigne erfaringar i møte med deltakarar, kollegaer og samarbeidspartar
• Arbeidserfaring frå liknande arbeid vil bli vektlagt
• Sertifikat klasse B

Personlege eigenskapar

Du har evne til å engasjere og inspirere menneske rundt deg. Du er tolmodig og er god til å motivere andre. Du tar initiativ og er kreativ, samarbeidar godt og kan jobbe sjølvstendig når det trengs. Du har evne til å etablere og stå i utfordrande relasjonar over tid. Det leggast vekt på eignaheit for å jobbe med målgruppa og tiltaket, samt interesse for å aktivt delta i utviklinga av tenesta.

Vi tilbyr

• Medverknad i utvikling av tenestene innan området psykisk helse og rus
• Teamarbeid i eit fagleg engasjerande, utfordrande og godt arbeidsmiljø
• Rettleiing
• Løn- og tilsetjingsvilkår i samsvar med lov- og avtaleverk

Politiattest

 I tråd med helse- og omsorgstenestelova § 5-4 vert det stilt krav om tilfredsstillande politiattest ved tiltrede.

Slik søker du

Trykk knappen "send søknad". Dess meir du fyller ut, dess betre vert du sjåande ut på søkjarlista. Dersom du har behov for hjelp med registrering av søknad, kontakt innbyggjarservice på 56 37 50 00. Rekrutterarar ber aldri om BankID i samband med rekrutteringsprosessen. Som jobbsøkjar må du aldri avgje sånn informasjon i samband med søknadsprosessen. Om du opplever dette, ber vi deg ta kontakt.