Systemforvalter/IKT-konsulent

Bak alle dei lysande skjermane og store, viktige systema som hjelper til å halde sjukehusdrifta i gang står Helse Vest IKT. Vi forvaltar både dei kliniske og administrative systemløysingane for alle sjukehusa og andre helseføretak i Helse Vest. Vi er ei av dei største IT-verksemdene i Vest, og fokuset vårt er alltid Pasienten.

I katalogen vår har vi alt frå komplekse regionale system, til mindre lokale system på dei enkelte sjukehusa. Mange av løysingane er særs kritiske i pasientbehandlinga, og stiller strenge krav til oppetid og kvalitet. Vi står midt mellom dei som lagar programvara, og dei som skal bruke den - vi er bindeleddet. Det er difor viktig at våre forvaltarar både forstår og evnar å snakka sjukehus-språk på kundesida, og teknikar-språk med våre leverandørar. 

Avdeling Tjenesteutvikling har forvaltingsansvar for dei fleste systema våre. Dette inkluderer mellom anna endringshandsaming, planlegging og gjennomføring av oppgraderingar, system- og prosessforbetring, tett dialog med leverandørane våre, og 3. linje sakshandsaming.
Me har no ledig fast stilling i Team kliniske støttesystem. Team kliniske støttesystem jobbar med fleire ulike system innanfor ulike medisinske fagområde, men felles for dei fleste systema er at dei vert brukt i behandling av pasientar.

Helse Vest IKT har kontor i Førde, Bergen, Haugesund og Stavanger. Vi er open for å avtale arbeidsstad.

Arbeidsoppgåver

• Forvalting og vidareutvikling av ulike system brukt i pasientbehandling
• Konfigurasjon og oppsett i enkelte av systema
• Vera tolk og bindeledd mellom leverandør og kunde (sjukehus)
• Ha 3. linje-rolla, vera siste støtteinstansen før saka går over til leverandør
• Produsera kunnskapsprosedyrar og annan dokumentasjon
• Både forstå systemet og funksjonaliteten samt behovet til kunden
• Sakshandsaming, både brukarstøtte, feilsituasjoner og leveranser
• Fungera som knutepunktet mellom oss, leverandørar og andre eksterne og helseføretaka.
• Organisera og delta i testing i samband med nye utrullingar, oppgraderingar og feilrettingar 

Kvalifikasjonar

• Relevant universitets-/høgskuleutdanning med fordjuping innan IKT og/eller helsefagleg utdanning med teknisk fordjuping
• Erfaring med forvalting av IKT-system og -løysingar vil vera ein fordel men er ikkje eit krav
• Kjennskap til prosessar i sjukehusa vil vera ein fordel men er ikkje eit krav
• Erfaring frå prosjektarbeid er ein fordel
• Må kunna kommunisera skriftleg og munnleg på norsk og engelsk

Personlege eigenskapar

• Gode relasjonelle ferdigheiter - du ser alle sine behov og klarer å formidla det som skal til
• Tverrfaglegheit - du likar å tileigne deg ny kunnskap og ta tak der det trengst
• Tydeleg - du har ikkje telefonskrekk, frykt for å ta ordet, eller vera ærleg om det som manglar
• Overblikk for detaljar - du er løysingsorientert og feilsøkande, men har evna til å løfta blikket og sjå heilskapen
• Smittsam personlegdom - i ein pressa situasjon klarer du å få fram det positive, og få frustrasjon til å verte løysingsjakt
• Deling av kunnskap – du ser verdien av å dela kunnskap med dine kollegaer, kunder og andre samarbeidspartnarar
• Nysgjerrig – det fell naturleg for deg og du tør å spørja for å betre forstå
• Initiativ – du ser behovet for og evner å ta ansvar og styring når situasjonen krever det
• Teknisk forståing – du er både interessert i å finne ut av og evner å forstå korleis ting heng saman
• Interesse for vidareutvikling og forbetring av løysingar – du må brenna for å gjera ting betre
  

Vi tilbyr

• Ein trygg arbeidsstad med gode pensjonsordningar
• Ordinær arbeidsdag er 7,5 timar, inkludert lunsj
• Gode utviklingsmogelegheiter, både kompetansemessig og karrieremessig
• Inkluderande, kunnskapsrike kollegaer som alle jobbar for det felles beste
• Fleksibel og moderne arbeidstidsordning
• Moderne maskinvare og utstyr
  

Er du usikker på om du har alle kvalitetane vi ser etter, vil me gjerne vera dei som avgjer det - send oss søknaden din uansett!