Vil du leie ein framtidsretta kommune i rivande utvikling?

Sogndal kommune søkjer ein samlande kommunedirektør som vil vidareutvikle kommunen vår og bidra til felles struktur, kultur og stabilitet i organisasjonen. Kommunedirektøren skal vere med å setje Sogndal og Sogn på kartet i Vestland og nasjonalt. Leiaren vil utvikle og dra nytte av potensialet som ligg i rolla som regionsenter og samfunnsutviklar i Sogn, å vere destinasjonsmål for aktivitetsbasert reiseliv og kommunen sin varierte arbeidsmarknad og fagmiljø.

Kommunedirektøren vi søkjer er ein endringsleiar som skapar handlingsrom, og som byggjer organisasjonen ilag med gode medarbeidarar. Med strategisk økonomiforståing vil kommunedirektøren bidra til at Sogndal kommune har ei langsiktig, heilskapleg og trygg økonomiforvaltning.   

Vår kommunedirektør er samfunnsengasjert og utviklingsorientert. Det er naturlig for deg å byggje relasjonar og nettverk med nabokommunane, næringslivet og samarbeidspartar. Du viser veg for dei tilsette med ein samskapande, tillitsfull og motiverande leiarstil.  

Vi ynskjer oss deg med leiarerfaring frå offentleg, og gjerne privat, sektor. Leiaren vi ser etter har gjerne høgare relevant utdanning. Du bør ha erfaring frå kommunal forvaltning, og det er avgjerande med god forståing for forholdet og samspelet mellom politikk, tilsette og administrasjon. Særleg relevant erfaring og personlege eigenskapar vert vektlagt.

 
For meir informasjon om stillinga, ta kontakt med Visindi ved Lena Haveland på tlf. 482 60 796 eller Tonje Støver Knutsen på tlf. 477 10 611. Ordførar i Sogndal kommune Arnstein Menes kan og kontaktast på tlf. 416 72 733. All kontakt vil bli handsama konfidensielt, om ynskjeleg og overfor oppdragsgjevar i innleiande fase. Søknaden skal sendast snarast og seinast innan 01.11.21 via stillingar på Visindi.no. Søknader vil bli behandla fortløpande. Stillinga er omfatta av Offentleglova.