Fast 100 %-stilling

Stillingsinformasjon

Masfjorden kommune søkjer etter ein engasjert og aktiv informasjonsmedarbeidar med interesse for både IKT, samfunn og kommunal tenesteproduksjon.

Kommunikasjon- og IKT medarbeidaren vil jobbe tett med rådmannen si leiargruppa, og med andre tilsette i administrasjonen og leiarar i organisasjonen, for å sikre god intern og ekstern informasjon i kommunen. Den rette personen må ha evne til å sjå og utnytta ulike former for kommunikasjon, forstår media og samfunnet, og ha evne til å gjera kompliserte bodskap enkle og forståelege. Vedkomande må bidra med IKT kompetanse, og utføre støtte og vegleiing på dette fagfeltet.

Arbeidsoppgåver

• Oppfølging av IKT leveransar og vera kommunen sin IKT-kontakt mot omverda.
• Ha ansvar for internopplæring og brukarstøtte innanfor IKT og samarbeide tett med arkiv og dokumenttenestene
• Ansvar for å koordinere kommunen sitt kommunikasjonsarbeid, både strategisk og operativt
• Oppfølging av Masfjorden kommune sine kanalar ut til innbyggjarar og tilsette.
• Vidareutvikla interne og eksterne kommunikasjonsplattformar
• Redaksjonelt arbeid/ innhaldsproduksjon på nettsider, intranett og sosiale media
• Ansvar for kommunen si handtering av informasjon og kommunikasjon under kriser
• Oppfølging og arbeid med kommunen sin språkprofil og vidareføre eit klart språk.
• Arbeide med implementering av nye program og versjonar innanfor kommunen sine IKT-system

Kvalifikasjonskrav 

• Relevant høgare utdanning og erfaring innan kommunikasjon og IKT-faget
• Har god innsikt i det digitale medielandskapet og kan sosiale media
• Har interesse/kunnskap om digitale løysingar, og har kjennskap til aktuell programvare innan bilete-/videoredigering, design og layout og program som er viktige innanfor kommunikasjon og offentleg administrasjon med vidare.
• God munnleg og skriftleg formuleringsevne, både på nynorsk, bokmål og engelsk

• Anna relevant utdanning/erfaring og kjennskap til kommunale IKT system.
• Førarkort klasse B

Personlege eigenskapar

• Me søkjer deg som er serviceinnstilt og engasjert
• Kreativ, løysingsorientert og strategisk
• Møter andre på ein respektfull og open måte
• Skapar tillit og viser høg etisk standard
• Samarbeidsvillig, tek ansvar, men må og kunne arbeida sjølvstendig
• Er endringsvillig og ønskjer kontinuerleg forbetring i arbeidet

• Har positiv tilnærming til arbeidsoppgåvene.
• Arbeider effektivt og smart.

Vi tilbyr 

• Ei sentral rolle i kommunen sin organisasjon, med spanande og utfordrande arbeidsoppgåver i ein kommune med engasjerte innbyggjarar og tilsette
• Gode fagmiljø innan eit breitt mangfald av fagområde
• Høve til fagleg og personleg utvikling
• Løn etter avtale
• Gode pensjons- og forsikringsordningar

Generell informasjon:

I Masfjorden kommune er det offisielle administrasjonsspråket nynorsk. Alle tilsette pliktar å nytta nynorsk skriftspråk i tenesta.

Søknad må sendast elektronisk via heimesida på vårt digitale søknadsskjema