Bioingeniør Seksjon for kreftgenomikk

Seksjon for Kreftgenomikk er ei nyoppretta eining i Laboratorieklinikken med ansvar for avansert molekylær kreftdiagnostikk. Seksjon for Kreftgenomikk skal samarbeide med Avdeling for patologi, Avdeling for medisinsk genetikk, Avdeling for medisinsk biokjemi og farmakologi, Regionalt kompetansesenter for arveleg kreft, Seksjon for bioinformatikk og Biobank Haukeland. Dei tilsette vil ha ulik yrkesfagleg bakgrunn med høg fagleg kompetanse (bioingeniørar, molekylærbiologar og legar). Seksjon for Kreftgenomikk har ansvar for avansert molekylær kreftdiagnostikk. Seksjonen nyttar ulike molekylære analysemetodar på kromosom, DNA og RNA for å undersøkje endringar i genomet som er viktige for diagnostikk og behandling.

Seksjon for kreftgenomikk lyser ut tre 100 % stillingar som bioingeniør. Ei av stillingane vil bioingeniøren hovudsakleg jobbe med laboratoriearbeid ved genetisk diagnostikk av blodsjukdommar, men og vere involvert i andre oppgåver ved seksjonen. Leukemirelaterte analysar vil utførast i samarbeid med Avdeling for medisinsk genetikk. To av stillingane vil hovudsakleg jobbe ved Eining for tumorgenomikk, der ein jobbar med solide svulstar på FFPE vev, fersk materiale og blod/beinmarg. Blodprøvetaking vil og inngå i stillinga. 

Arbeidsoppgåver

• Stillingane vil hovudsakleg ha arbeidsoppgåver og ansvar knytt til dagleg analytisk drift. Dette inneber forbehandling av FFPE materiale, nukleinsyre ekstraksjon, celledyrking, G-banding, FISH, kopitallsmatriser, qPCR, Sanger-sekvensering, fragment-analyse, smeltekurvs analyse, nestegenerasjons sekvensering (NGS) med meir
• Ein må ta medansvar for instrumentdrift, analytisk kvalitetskontroll, prosedyreskriving og vedlikehald
• Det kan bli aktuelt å bidra ved utvikling av nye arbeidsrutinar og analysar samt oppdatering av eksisterande metodar. Det kan og verte aktuelt med noko opplæringsverksemd
  
• I tillegg må ein halde seg fagleg oppdatert innan seksjonen sitt fagspesifikke område
  
• Stillinga inneber deltaking i laboratoriets rutinar for prøvetaking

Kvalifikasjonar

• Søkjar må ha norsk autorisasjon som bioingeniør
  
• Det er ønskjeleg med erfaring frå genetisk arbeid og molekylærbiologiske teknikkar
  
• Det vil også vere ein fordel å ha kjennskap til seksjonen sine analysemetodar, samt programvare som nyttast ved seksjonen
  
• Søkjar må meistre norsk både skriftleg og munnleg og det er ein fordel med gode kunnskapar i engelsk

Personlege eigenskapar

• Stillinga føreset evne til sjølvstendig arbeid og det blir lagt vekk på personlege eigenskapar, samarbeids- og kommunikasjonsevner
  
• Søkjar må trivast i eit tverrfagleg og aktivt miljø under oppbygging
  
• Sjølvstendig, resultatorientert, engasjert og strukturert
• God gjennomføringsevne

Vi tilbyr

• Lønn i samsvar med gjeldande overeinskomst
  
• Utfordrande arbeidsoppgåver
  
• Høgt fagleg nivå
  
• Gode pensjons- og forsikringsordningar
• Fleksibel arbeidstid

Mangfaldserklæring
Føretaksgruppa i Helse Vest ønskjer å spegle mangfaldet i befolkninga i rekrutteringa vår. Vi oppmodar alle som er kvalifiserte til å søkje ledige stillingar uansett kjønn, alder, funksjonshemming og fleirkulturell bakgrunn. Det same gjeld dersom ein har hatt eit lengre opphald frå arbeidslivet. Føretaksgruppa i Helse Vest ønskjer å leggje til rette for inkluderande rekruttering.