Vi søker ein engasjert og initiativrik rådgivar til 3-årig prosjektstilling

Vi søker etter

ein engasjert og initiativrik rådgivar til 3-årig prosjektstilling som prosjektleiar for utvikling av strategi for etablering av ladepunkt og energistasjonar. Har du kunnskap om energi- og transportsektoren, gode samarbeidsevner og liker å leie prosessar? Då kan du vere rette personen for oss!

Du får jobbe med

• å vere pådrivar og utviklar av ein framtidsretta strategi for etablering av ladepunkt og energistasjonar i heile fylket
• samarbeid og nettverksbygging med kommunar, kraftforsyning, næringsliv og relevante fagmiljø
• å leie og gjennomføre arbeidet med å utarbeide strategien
• delta i nasjonale fora for å hente ny kunnskap

Andre oppgåver kan komme i tillegg.

Vi søker deg som har

• relevant høgare utdanning, gjerne innafor logistikk-, energi- eller transportområdet
• relevant erfaring, gjerne frå transport- eller energiområdet
• relevant erfaring frå prosjekt- og prosessleiing
• god skriftleg og munnleg kommunikasjonsevne

Vi vil også legge vekt på at du

• har evne til å samarbeide, dele og inkludere, og til å tenke heilskapleg på tvers av fagområde
• kan arbeide sjølvstendig, systematisk og målretta
• har evne til relasjonsbygging og er dyktig til å bygge og leie nettverk
• er initiativrik, engasjert og løysingsorientert
• har pågangsmot og evne til å drive prosessar framover
• har evne til strategisk tenking og planlegging

Vi tilbyr

• ei utfordrande stilling i eit arbeidsmiljø kjenneteikna av stor profesjonalitet og sterke fagmiljø
• god tilgang til faglege nettverk og fagleg utvikling
• offentleg pensjonsordning, gruppelivs- og ulykkesforsikring
• løn etter avtale

Om arbeidsplassen

Kompetanse- og næringsavdelinga har ansvaret for vidaregåande opplæring og Fagskolen i Møre og Romsdal, og arbeider for berekraftig vekst og nyskaping i næringsliv og kommunar. Det er om lag 75 tilsette på avdelinga. Stillinga er lagt til seksjon for Energi og grøn omstilling med kontorstad i Kristiansund.

Du kan lese meir om kompetanse- og næringsområdet på nettsidene til Møre og Romsdal fylkeskommune, mrfylke.no