ViteMeir søkjer teknologisk potet

Me søkjer ny formidlar! Har du erfaring med programmering og formidling? Vil du ha ein arbeidskvardag der du får bidra til at born og unge får auka interesse for koding? Og er du i tillegg som poteten og kan brukast til det meste? Då kan det godt vere det er deg me ser etter.

Me ønskjer oss ein kreativ person med gode formidlingsevner som vil vere med å utvikle eit fagleg innhald og gode besøksopplevingar for gjestane våre.

Arbeidsoppgåver:

Som formidlar vil du vere med å ta imot ulike grupper, alt frå barnehagar til vidaregåande skular og fritidsgjestar. I tillegg vil du vere med å:

• Utvikle og gjennomføre praktiske læringsopplegg og digitale læringstilbod
• Besøke skular gjennom "ViteMeir på hjul"
• Koordinere prosjekt
• Halde lærarkurs og intern opplæring
• Delta i anna formidlingsaktivitet på ViteMeir som arrangement og aktivitetar
• Drifte og utvikle utstillingane

Kvalifikasjonar og eigenskapar:

• Har digital kompetanse, og gode kunnskapar om programmering
• Kunnskap om ulike pedagogiske programmeringsverktøy som til dømes micro:bit og Scratch
• Erfaring med formidling innan koding og programmering
• Pedagogisk kompetanse
• Praktisk anlagt
• Ein lagspelar som arbeider godt saman med andre kollegaer ved ViteMeir
• Sjølvgåande, lettlært og uredd
• Meistrar godt både norsk og engelsk
• Førarkort klasse B, det må påreknast ein del reiseverksemd

ViteMeir tilbyr:

• Ein unik sjanse til å vere med å forme og utvikle innhaldet i vitensenteret
• Allsidig og triveleg arbeidsplass i stadig utvikling
• Kreativt arbeidsmiljø med spennande arbeidsoppgåver
• Løn etter avtale

Søknadsfrist: Snarast, og seinast 7. oktober 2021. Søknadane vert handsama fortløpande.

Send søknad med CV til: jobb(a)vitemeir.no