Leiar du stødig i ukjent farvatn?
- Arbeidsgiver
- Sula kommune
- Stillingstittel
- Einingsleiar Kommunalteknikk
- Frist
- 10.10.2021
- Ansettelsesform
- Fast
Søker du kortreiste naturopplevingar som fjord og fjell i tillegg til bynærleik, er Sula kommune ein super stad å bu og arbeide i.
Sula kommune har med sine aktive innbyggarar eit rikt kultur- og organisasjonsliv med stort utval av fritidsaktivitetar i alt frå padelbane til hestesport, fotball og korsong. Og sjølvsagt, i Sula har du nærleik til alt av naturopplevingar - anten du likar paragliding og høg puls eller rolege fotturar i biletskjønn natur.
Kommunen har opplevd stor folkevekst i seinare tid og veksten har ført til auke av butikk-, kafè- og næringsverksemder og eit kommunesenter i utvikling.
Sula kommune legg vekt på å vere ein engasjert medspelar for god samfunnsutvikling og gode tenester til innbyggarane. Kommunen ønskjer å vere ein attraktiv arbeidsgjevar som rekrutterer, vidareutviklar og held på dyktige og engasjerte medarbeidarar.
Teknisk sektor i Sula kommune har ledig stilling som Einingsleiar Kommunalteknikk.
Eininga har ansvar for dei kommunaltekniske tenestene i kommunen, herunder veg, vatn, avlaup, renovasjon, slam, feiing og forureining. Eininga har eit godt fagmiljø med totalt ti tilsette, herav fem avdelingsingeniørar og fem i utestyrken (driftspersonell).
EININGSLEIAR KOMMUNALTEKNIKK
Einingsleiar Kommunalteknikk har ansvar for dagleg drift og gjennomføring av investeringar i kommunaltekniske anlegg, budsjettansvar, samt personalansvar for driftspersonell og administrativt tilsette. Einingsleiar vil òg legge fram og orientere på politisk nivå i kontrollutval/formannskap/kommunestyre.
Dine arbeidsoppgåver vil vere:
- Fagleg leiing og ansvar for kommunaltekniske tenester (veg, vatn, avlaup, renovasjon, slam, feiing og forureining)
- Personalleiing og utvikling av driftseining for Kommunalteknikk
- Fagleg rådgiving
- Økonomistyring og prosjektleiing
- Sakshandsaming – administrativt og politiske saker
Kven er det vi søkjer?
- Vi ser etter deg som har relevant fagleg utdanning på høgskulenivå med vekt på fagområda VVA
- Du har eller ønskjer vidareutdanning i leiing, erfaring vil kompensere for manglande utdanning
- Du har erfaring med økonomistyring og gjerne prosjektleiing
- Du har stor arbeidskapasitet, er fleksibel og trivast med stor spennvidde i arbeidsoppgåver
- Du er fagleg sterk og har evne til å skape tillit – hos medarbeidarar og i møte med innbyggjarar
- Du er løysingsorientert og har evne til nytenking
- Du ønskjer å leie dine medarbeidarar på ein trygg, tydeleg og motiverande måte
Sula kommune kan tilby konkurransedyktige vilkår og eit godt fagleg miljø i ei eining som arbeider med moderne verktøy som gjer det mogeleg for avdelingsingeniørane å utføre prosjekteringa sjølve. Stillinga innebêr varierte arbeidsoppgåver og gode moglegheiter til fagleg og personleg utvikling.
Ta kontakt om du er nysgjerrig etter å vite meir om stillinga eller kommunen. Sula Kommune ønsker deg velkomen til å søkje og ser fram til å høyre frå deg.
Sula Kommune nyttar rekrutteringsbyrået Manpower til å hjelpe seg med rekrutteringa, og deira konsulentar vil kunne svare på spørsmål du måtte ha.
*Grunngjeving for reservasjon frå oppføring i offentleg søkarliste må kome fram i søknad. Oppføring kan likevel skje, og søkar vert då informert.
- Sektor
- Offentlig
- Sted
- 6030 Langevåg
- Bransje
- Offentlig administrasjon
- Stillingsfunksjon
- Ingeniør
Nøkkelord
Teknisk sektor, Kommunalteknikk, Veg, vatn, avløp og forureining, Drift
Spørsmål om stillingen
- Kontaktperson
- Camilla Botnen
- Telefon
- 99 53 90 56
- Kontaktperson
- Terje Natvik
- Telefon
- 90 75 78 14
6030 Langevåg