Psykologspesialist/ Psykolog

Har du lyst til å arbeide med spesialisert rusbehandling i eit godt og fagleg utviklande miljø? Avdeling for rusmedisin (AFR) Poliklinikk Murhjørnet held til i moderne lokale i Bergen Sentrum, og tilbyr tverrfagleg spesialisert behandling for menneske med ruslidingar og avhengigheitsproblematikk, ofte i kombinasjon med psykiske lidingar (ROP tilstandar). Vi tilbyr behandling både individuelt og i gruppe. Vi gjev òg tilbod om musikkterapi, nettverks- og pårørandeoppfølging. Poliklinikken gjev tilbod til pasientar frå 15 år og oppover. Polilkinikken har fast samarbeid med "jobb først" (ips) konsulentar, som held til i poliklinikken.

Avdelinga er i ei spennande utvikling knytta til aukande differensiering av tenester for avhengigheitslidingar, fagleg integrasjon med Psykisk helsevern m.a ved geografisk deling av poliklinikktenestene. Dette vil bidra til utvikling av tettare samhandling med DPS-ar og kommunale tenester. Avdelinga har eigen forskingsseksjon med mange spennande prosjekt.

I stillinga som psykolog / psykologspesialist i poliklinikken vår vil du ta del i tverrfagleg team, beståande av psykologar, psykiatarar, rusmedisinarar, kliniske sosionomar, spesialsjukepleiar, vernepleiar, musikkterapeut og erfaringskonsulent. Til saman er det ca 45 årsverk knytta til poliklinikken.

Det er godt lagt til rette for samarbeid og drøftingar i dei enkelte pasientforløpa. Fleire av dei tilsette er i ulike vidareutdanningar, og for ikkje-spesialister vert det lagt til rette for relevant spesialisering. Det er regelmessig internundervising, faste fag- og forskingsdagar og avdelinga legg òg til rette for både individuell vidareutdanning og felles kompetanseheving. 

Arbeidsoppgåver

• Utgreiing og behandling av rusmiddelavhengige, dette ofte i kombinasjon med psykisk helsetilstandar. Samhandling og rettleiing av samarbeidspartnarar internt og eksternt mot kommunale tenester
• Poliklinikken er opptatt av å utvikle differensierte tenester, mellom anna har vi fleire tilbod om gruppetilbod (m.a grupper i traumestabiliserande og tilbakefalls-førebyggingar) og familie/-nettverksorienterte metodar. Det vert lagt til rette for fordjupning knytta til deltaking i poliklinikkens spesialiserte tilbod. Deltaking i internt utviklingsarbeid og rettleiing er forventa

Kvalifikasjonar

• Erfaring med arbeid innan rusbehandling og psykisk helsevern vil vere ein fordel, men ingen føresetnad. Nødvendig rettleiing vil bli gitt
• Interesse for familie og nettverksarbeid er ønskjeleg
• Norsk autorisasjon som psykolog
• Særs gode kunnskapar i norsk, både munnleg og skriftleg

Personlege eigenskapar

• Du bidrar positivt til eit fagleg og kollegialt godt miljø
• Du trivast med å arbeide i eit tverrfagleg miljø og meistrar høgt tempo
• Du har god fagleg vurderingsevne, arbeider målretta og strukturert
• Du må kunne arbeide godt både sjølvstendig og i team
• Du arbeider målretta og toler å stå i krevjande situasjonar

Vi tilbyr

• Lønn etter avtale
• Gode pensjons- og forsikringsordningar
• Triveleg arbeidsmiljø
• Høgt fagleg nivå
• Fagleg og personleg utvikling
• Ein arbeidsplass som er ei inkluderande arbeidsliv-bedrift (IA-bedrift)

Mangfaldserklæring
Føretaksgruppa i Helse Vest ønskjer å spegle mangfaldet i befolkninga i rekrutteringa vår. Vi oppmodar alle som er kvalifiserte til å søkje ledige stillingar uansett kjønn, alder, funksjonshemming og fleirkulturell bakgrunn. Det same gjeld dersom ein har hatt eit lengre opphald frå arbeidslivet. Føretaksgruppa i Helse Vest ønskjer å leggje til rette for inkluderande rekruttering.