Fagbioingeniør Biobank og prosjektarbeid

Ved Laboratorieklinikken, Haukeland universitetssjukehus, er det ei ledig stilling som fagbioingeniør ved Biobank Haukeland og Avdeling for medisinsk biokjemi og farmakologi (MBF).

MBF er det største laboratoriet ved Haukeland universitetssjukehus og har meir enn 300 tilsette. Avdelinga utfører ei rekkje analysar innan fagområda medisinsk biokjemi og klinisk farmakologi, har moderne analyseinstrument og driv forsking og utviklingsarbeid. Biobank Haukeland har 6 tilsette og er ein del av infrastruktursatsinga til Haukeland universitetssjukehus. Eininga har moderne utstyr for biobanking, mellom anna to robotar for prøvefordeling og ein automatisert lagringseining med plass til meir enn 2 millionar biobankprøvar. 

Vi søkjer no etter ein medarbeidar som ønskjer å bidra i vidareutviklinga av biobank og prosjektarbeid. Den som blir tilsett vil få oppgåver knytt til arbeid både med prosjekt- og biobankprøver og må jobbe tett med medarbeidarar i begge einingar. Dei to einingane har eit felles mål om optimal prøvekvalitet på biologisk materiale til forsking, ved å tilby forskarar rådgjeving, tilrettelegging, prøvehandtering og lagring av forskingsprøvar. For tida vil stillinga vere delt mellom MBF og Biobank Haukeland.

Arbeidsoppgåver

• Delta i biobank- og prosjektarbeid, mellom anna med blodprøvetaking og handtering av biologisk materiale til forsking
• Kontaktperson og tilretteleggar for forskingsprosjekt
• Betene alikvoteringsrobot og automatisert lagringseining
• Skrive og redigeringsarbeid i EK
• Delta i biobanken si beredskapsordning for temperaturovervaking
• Vere med på å utvikle og forbetre einingane sitt biobank- og prosjektarbeid
• Andre funksjonar kan bli tillagt stillinga

Kvalifikasjonar

• Norsk autorisasjon som bioingeniør. Det er ønskjeleg med minimum 2 års praksis etter fullført utdanning
• Det vil bli lagt vekt på erfaring frå preanalytisk arbeid, spesielt erfaring med blodprøvetaking og prøvebehandling
• Det er ein fordel med erfaring frå biobankrelatert arbeid
• Det er ein fordel med gode IKT-kunnskapar
• Det er ein fordel med relevant tilleggsutdanning
• Det er ein fordel med erfaring med Helse Bergen sitt system for dokumentstyring
• Må meistre norsk både munnleg og skriftleg

Personlege eigenskapar

• Du trivast i eit dynamisk arbeidsmiljø
• Du er fleksibel og meistrar høgt tempo
• Du er serviceinnstilt, omgjengeleg og løysingsorientert
• Du er punktleg, påliteleg og ansvarsbevisst
• Du har gode gjennomføringsevner
• Du må kunne arbeide godt både sjølvstendig og i team
• Det vil bli lagt vekt på personlege eigenskapar

Vi tilbyr

• Ein spennande og utfordrande jobb
• Eit aktivt og triveleg arbeidsmiljø med kompetente og stolte medarbeidarar
• Løn i samsvar med gjeldande overeinskomst
• Gode pensjons- og forsikringsordningar
• Stillinga er ei dagstilling

Mangfaldserklæring
Føretaksgruppa i Helse Vest ønskjer å spegle mangfaldet i befolkninga i rekrutteringa vår. Vi oppmodar alle som er kvalifiserte til å søkje ledige stillingar uansett kjønn, alder, funksjonshemming og fleirkulturell bakgrunn. Det same gjeld dersom ein har hatt eit lengre opphald frå arbeidslivet. Føretaksgruppa i Helse Vest ønskjer å leggje til rette for inkluderande rekruttering.