Vil du betre miljø og økosystem i vassdrag og kystvatn på Sunnmøre

Vi søker etter

deg som vil bidra til å betre miljø og økosystem i vassdrag og kystvatn på Sunnmøre. Er du i tillegg initiativrik og god til å bygge nettverk? Då vil vi gjerne ha deg med på laget vårt!

Stillinga skal koordinere arbeidet i vassområda på Sunnmøre, og bidra til at fastsette miljømål for vassførekomstane blir oppnådd i samsvar med regional vassforvaltningsplan for Møre og Romsdal vassregion.

Du får jobbe med

• å planlegge og vere pådrivar for gjennomføring av miljøforbetrande tiltak
• å samarbeide med kommunar, statlege myndigheiter, frivillige organisasjonar, grunneigarar og publikum m.v., og bidra til heilskapleg, økosystembasert vassforvaltning
• administrasjon og fagleg leiing av arbeidet i vassområdeutvala
• rettleiing av kommunar, organisasjonar og andre aktørar for auka kunnskap om vassforvaltningsarbeidet
• å skape lokal medverknad, oppslutning og engasjement for gjennomføring av vassforvaltningsplanen
• å ta initiativ til, utvikle og delta i prosjekt som er med på å betre miljøforholda i vatn
• å bidra inn i fylkeskommunen sitt tverrfaglege arbeid med miljø, plan og utvikling

Vi søker deg som har

• relevant naturfagleg utdanning på masternivå
• erfaring frå fagområdet og god kjennskap til offentleg forvaltning
• erfaring frå prosess- og prosjektarbeid
• gode kommunikasjonsevner

Vi vil også legge vekt på at du

• er engasjert og god til å bygge relasjonar og nettverk
• har evne til strategisk tenking og planlegging
• er løysingsorientert og god på å drive prosessar framover
• tek initiativ og arbeider sjølvstendig, systematisk og målretta
• er ein lagspelar som likar å samarbeide, dele og inkludere, og som tenkjer heilskapleg på tvers av fagområde
• er komfortabel med å stå framfor ei forsamling

Vi tilbyr

• ei utfordrande stilling i eit arbeidsmiljø kjenneteikna av stor profesjonalitet og sterke fagmiljø
• god tilgang til faglege nettverk og fagleg utvikling
• offentleg pensjonsordning, gruppelivs- og ulykkesforsikring
• løn etter avtale

Om arbeidsplassen

Kompetanse- og næringsavdelinga arbeider for nyskaping, omstilling og berekraftig vekst i næringsliv og kommunar, og har ansvaret for vidaregåande opplæring og Fagskolen i Møre og Romsdal. Det er om lag 75 tilsette på avdelinga. Stillinga er lagt til seksjon for marin og miljø med ansvar for vassforvaltning, akvakultur- og naturforvaltning, og vi arbeider for å legge til rette for heilskapleg og kunnskapsbasert forvaltning av naturressursane.

Kontorstad blir ved fylkeskommunen sin desentraliserte arbeidsstad i Ålesund, med jamleg tilstadeværelse på fylkeshuset i Molde.

Du kan lese meir om kompetanse- og næringsområdet på nettsidene til Møre og Romsdal fylkeskommune, mrfylke.no