Rådgjevar internasjonalisering

Avdeling for forsking, internasjonalisering og innovasjon har ledig mellombels stilling som rådgjevar knytt internasjonalisering. Arbeidsstaden er campus Haugesund. Stillinga er ledig i perioden 01.09.2021 - 31.12.2022.

Ansvarsområde for stillinga er administrasjon, sakshandsaming og rådgjeving knytt til HVL si internasjonale verksemd med særleg vekt på mobilitet og utvekslingsavtalar. Arbeidsoppgåver er til dømes sakshandsaming av studentutveksling (til og frå HVL) og utviklingsarbeid knytt til mål om auka studentutveksling inkludert digitalisering av administrative prosessar knytt til området.

Formell utdanning og kompetanse:

• Relevant høgare utdanning på minst bachelornivå, helst mastergrad
• Relevant administrativ erfaring
• Kompetanse innanfor ansvarsområdet
• God munnleg og skriftleg framstillingsevne på norsk og engelsk
• God digital kompetanse

Ønska kvalifikasjonar:

• Erfaring frå universitets- og høgskolesektoren
• Erfaring frå arbeid med Erasmus+
• Erfaring frå arbeid med FS
• Erfaring med prosjektarbeid
• Erfaring frå arbeid med digitaliseringsprosessar

Personlege eigenskapar:

• Evne til å arbeide sjølvstendig og løysningsorientert, ta initiativ og vere ein pådrivar
• Evne til å arbeide strukturert og systematisk
• Gode samarbeids- og kommunikasjonsevner
• Omgjengeleg og med evne til å trivast i eit travelt miljø

• Gode pensjons-, forsikrings-, og låneordningar i Statens pensjonskasse
• Spennande fagmiljø med moglegheit for kompetanseheving - og utvikling
• Høve for trening i arbeidstida

Stillinga som rådgjevar er løna etter Statens lønsregulativ, i stillingskode 1434 - rådgjevar.

Frå løna vil det bli trekt 2 % innskot til Statens pensjonskasse.

Send søknad og CV ved å klikke på knappen merka "Søk stilling" på denne sida.

Det er søkjar sitt ansvar å sørge for at alle relevante vedlegg er lagt inn innan fristen, som attester og vitnemål. Dersom vitnemål, karakterutskrifter eller anna dokumentasjon ikkje er på eit skandinavisk språk eller engelsk, må søkjar sjølv laste opp attesterte omsettingar. Dersom vedlegga overskrid 15 MB må dei komprimerast før opplasting eller leggast ved som lenke.

Søknadar kan ikkje sendast på e-post til enkeltpersonar ved høgskulen.

Me gjer merksam på at jfr. ny offentlegheitslov kan opplysningar om søkjaren bli gjort offentleg sjølv om søkjaren har bedt om ikkje å bli ført opp på søkjarlista. Søkjaren vil bli varsla dersom ynskje ikkje vert teke til følgje.

Høgskulen på Vestlandet er under omstilling, og det kan bli gjort endringar i stillinga sitt ansvarsområde og plass i organisasjonen.

Den statlege arbeidsstyrken skal i størst mogleg grad spegle mangfaldet i befolkninga. Det er derfor eit personalpolitisk mål å oppnå ein balansert alders- og kjønnssamansetning og rekruttere personar med minoritetsbakgrunn, nedsett funksjonsevne og hol i CV. 

Nestleiar, Elin Kvaale

tlf. 55 58 55 52 / e-post Elin.Kvaale@hvl.no

Samspel, berekraft og nyskaping skal kjenneteikne alt vi gjer.

Vi skal bli eit universitet med ein tydeleg profesjons- og arbeidslivsretta profil. 

Les meir på våre heimesider. (http://www.hvl.no)

Video: https://www.youtube.com/watch?v=z-Py_In-Eyg&feature=youtu.be (https://www.youtube.com/watch?v=z-Py_In-Eyg&feature=youtu.be)