Har du master i juss eller økonomi og nedsatt funksjonsevne og/eller hol i CV-en?

Nasjonalt klageorgan for helsetenesta deltek i traineeprogrammet i staten. Vi søkjer difor etter personar med høgare utdanning innan juss eller økonomi som har hol i CV-en og/eller nedsett funksjonsevne. Dette er ei ordinær sakshandsamarstilling som varar i to år, med moglegheit for eit års forlenging. Sidan stillinga er knytt til traineeprogrammet, får du eigen mentor og deltaking i DFØs kompetanseutviklingsprogram.

Som tilsett hjå oss får du både faglege utfordringar og gode utviklingsmoglegheiter i eit spanande arbeidsmiljø! Vi arbeider i ope kontorlandskap i lyse og luftige lokalar, midt i sentrum. Det er det mogleg å jobbe i redusert stilling på grunn av helserelaterte årsaker. Din kompetanse, motivasjon og arbeidsevne er viktigare enn funksjonsnedsettelsen eller holet/hola i CV-en! 

Arbeidsoppgaver

Arbeidsoppgåvene vert i hovudsak å greia ut klagesaker som gjeld pasientskadeerstatning og skrive innstillingar for Pasientskadenemnda. Sakshandsamar legg sjølv fram sakene under nemndmøta, som er både på dag- og kveldstid. I tillegg vil du skrive vedtak i delegasjonssaker. Stillinga er utprega sjølvstendig. Du får god og tett oppfølging og fagstøtte. 

Kvalifikasjoner

Du må ha

• master i juss eller økonomi
• god skriftleg og munnleg framstillingsevne på norsk, slik at du kan formidla komplekse problemstillingar på ein god måte
  

Relevant erfaring frå klagesaksbehandling er en fordel, men ikkje eit krav.

Personlige egenskaper

• motivert og løysningsorientert
• engasjert og nysgjerrig på fagfeltet
• jobbar både sjølvstendig og i samarbeid med andre

Vi legg særleg vekt på om du er personleg eigna for stillinga. 

Vi ønskjer deg velkomen inn i eit hyggeleg arbeidsfellesskap med dyktige kollegaer, og kan tilby:

• spanande og utfordrande arbeidsoppgåver i eit nasjonalt og høgkompetent fagmiljø innan juss og medisin
• moglegheiter for fagleg og personleg utvikling
• deltaking i statens traineeprogram med eigen mentor
• fleksibel arbeidstid og tilrettelegging etter behov
• moderne lokalar midt i Bergen sentrum med hev- og senkpultar som standard
• moglegheit for trening i arbeidstida
• innplassering som førstekonsulent, rådgjevar eller seniorrådgjevar avhengig av kompetanse og erfaring
• løn etter avtale og i samsvar med vår lønnspolitikk
• gode låne- og pensjonsordningar (2 % vert trekt som innskot til Statens pensjonskasse)

Les dette før du søkjer!
For å bli vurdert til stillinga, må du krysse av for at du har nedsett funksjonsevne eller hol i CV. Hol i CV-en betyr at du har vore ute av arbeidslivet i to av dei siste fem åra, og at du no ikkje har fast stilling. Les meir om inkluderingsdugnaden på https://arbeidsgiver.difi.no/strategisk-hr-og-ledelse/inkluderingsdugnaden

Du må sende søknaden og laste opp relevante vitnemål og attestar i rekrutteringsportalen. Søknadar utan vedlegg vert ikkje vurdert.

Vi gjer deg merksam på at opplysningar om nedsett funksjonsevne og hol i CV-en kan brukast i statistikkformål, i samsvar med krava i personvernforordninga artikkel 13 og 14. Opplysningar om søkarar kan verte offentleggjort (offentlegheitslova § 25) sjølv om du har bede om å ikkje stå på søkarlista. Dersom ønskja reservasjon ikkje vert tatt til følgje, varslar vi deg om dette på førehand.