Har du erfaring frå og interesse for kommunale helse- og omsorgstenester?

Helse-, sosial- og barnevernsavdelinga hjå Statsforvaltaren i Vestland har ledig to faste stillingar frå snarast.

Avdelinga har tre seksjonar og ansvar for rettleiing, tilsyn, behandling av klager og andre forvaltningsoppgåver innan helse, omsorg, sosial og barnevern. Fylkeslegen/avdelingsdirektøren leier avdelinga som har tilsette med kompetanse innan barnevern, sosial- og helsefag, rettsvitskap, pedagogikk, samfunnsfag og administrasjon. Vi har brei kontakt med kommunale helse- og omsorgstenester, kommunar, spesialisthelsetenester og nasjonale styresmakter.

Stillingane er knytt til seksjon kommunehelse og -omsorg, der den eine stillinga ligg til kontoret vårt i Bergen og den andre til kontoret vårt i Leikanger.

Arbeidet er variert og i stor grad tverrfagleg. Oppgåvene som ligg til stillinga er i hovudsak tilsyn innan helse og omsorg, tenester til personar med utviklingshemming, rus og psykisk helse, behandling av saker, rettleiing og informasjon til brukarar, tilsette og leiarar i tenestene. Arbeidet er variert og i stor grad tverrfagleg. Andre oppgåver kan bli tildelt etter avtale med seksjonsleiar.

• relevant utdanning frå høgskule eller universitet, gjerne master
• erfaring frå og god kjennskap til offentleg forvaltning
• erfaring frå kommunale tenester, gjerne leiarerfaring

• interesse, erfaring og engasjement for kommunale helse- og omsorgstenester
• evne til tverrfagleg samarbeid
• evne til systematisk og sjølvstendig arbeid innan fristar som er sett
• kunne formidle kompliserte problemstillingar på ein god måte
• god munnleg og skriftleg formidlingsevne på nynorsk og bokmål er ein grunnleggjande føresetnad. Du må kunne nytte båe målformer. Vi ber om å få lagt fram arbeid som viser dette i praksis.

• interessante arbeidsoppgåver
• ein arbeidsplass i utvikling
• eit kompetent og godt tverrfagleg arbeidsmiljø
• medlemskap i offentleg tenestepensjonsordning
• fleksibel arbeidstid

Stillinga er lønna i stillingskode 1434 rådgjevar/1364 seniorrådgjevar, frå kr 500 000-610 000 brutto per år ut frå kvalifikasjonar og lokal lønnspolitikk. Stilling som seniorrådgjevar har strenge krav til kompetanse.  For særskilt kvalifiserte søkjarar kan vi vurdere høgare lønn.      

Statsforvaltaren ønskjer mangfald, og vi oppmodar difor alle kandidatar som er kvalifiserte til å søkje utan omsyn til alder, kjønn, funksjonsevne, nasjonal eller etnisk bakgrunn. Embetet vil leggje til rette for arbeidstakarar med nedsett funksjonsevne.

Dei første seks månadane er prøvetid.

Tenestemålet er nynorsk.

Vitnemål og attestar må leggjast ved søknaden.

Søkarlista er i utgangspunktet offentleg. Du kan be om unntak dersom vilkåra i lova er til stades.

Nærare opplysningar om stillinga får du av: 

• fylkeslege/avdelingsdirektør Sjur Lehmann, fmhosle@statsforvalteren.no tlf. 55 57 22 18 
• seksjonsleiar Linda Svori, fmsflsv@statsforvalteren.no, tlf. 57 64 31 61.