Utløpt

Leiar ved Vang læringssenter - 2.gongs lysing

Arbeidsgiver: Vang Kommune
Stillingstittel: Leiar ved Vang læringssenter - Årsvikariat
Frist: 16.06.2021
Ansettelsesform: Vikariat

Vang kommune har ledig 100 % vikariat som leiar for Vang læringssenter, med oppstart i august/september/etter avtale.

Vang læringssenter organisera og tilbyr undervising i norsk og samfunnskunnskap for vaksne. Læringssenteret gir tilbod om asylnorsk for asylsøkjarar som bur på mottaket i Vang, kurs for arbeidsinnvandrarar og andre innvandrarar som har rett til norskundervisning, samt introduksjonsordning for dei som er busette flyktningar i Vang kommune. Læringssenteret tilbyr også opplæring spesielt organisert for vaksne etter Opplæringslova kap. 4A, grunnskule og spesialundervising. Under læringssenteret ligg også bufellesskapet for einslege mindreårige flyktningar, som Vang kommune etablerte i 2016.

Leiar for Vang læringssenter er fagleg og administrativ leiar for avdelinga og rapporterer direkte til kommunalsjef for utdanning og kultur.

Arbeidsoppgåver

Overordna ansvar for oppfølging av tilsette og elevar
Sakshandsaming i samband med busettingsvedtak, integrerings- og norsktilskot mv.
Personal- og budsjettansvar
Pedagogisk utviklingsarbeid
Koordinerande ansvar og samarbeid med ulike tenester i Vang kommune for læringssenteret, inkludert underavdelingane Vang vaksenopplæring og Gullringen bufellesskap.
Programveiledning og anna veiledning ifb med introduksjonsprogrammet
Overordna ansvar for organisering av norsktilbodet og tiltak i introduksjonsprogrammet

Kvalifikasjonar

Minimum 3-årig relevant høgskuleutdanning, gjerne pedagogisk
Ynskjeleg med leiarkompetanse og leiarerfaring
Gode IKT-kunnskapar
Gode norskkunnskapar munnleg og skriftleg

Personlege eigenskapar

har erfaring med og interesse for arbeid med elevar, flyktningar/asylsøkjarar og menneske frå ulike kulturar
er ein tydeleg leiar som er prosessorientert
er ein relasjonsbyggar
er sjølvstendig og løysningsorientert
har gode samarbeids- og kommunikasjonsevnar
har evne til og interesse for tverrfagleg samarbeid
er strukturert og endringsvillig

Personlege eigenskapar og eignaheit for stillinga vil verte vektlagt.

Gyldig politiattest må leverast før oppstart i stillinga

Vi tilbyr

Eit inkluderande arbeidsmiljø med kompetente tilsette
Deltaking i eit veletablert og dyktig leiarteam i etaten
Løn etter avtale og arbeidsvilkår etter gjeldande lov – og avtaleverk
Gode pensjons- og forsikringsordningar
Kommunen kan vere behjelpeleg med bustad

Vang kommune nyttar nynorsk som målform.

Om arbeidsgiveren

Vestlandsfjell og Austlandsklima er den slåande kombinasjonen som gjer Vangsnaturen unik. Når vangsgjeldingen i tilleg er kjent for eit godt lynne er resultatet ei fjellbygd av sjeldant godt merkje lengst vest i Valdres. I Vang finn du mykje av Jotunheimen, delar av Skarvheimen, fiskevatn, stølar, skiterreng, jaktterreng og alle den plassen du kan ynskje deg av eit villmarksområde. Du finn også jordbruk, turisme og gründerar i eit levande og inkluderande bygdesamfunn. Vang er sentralt på ein litt usentral måte. Det er 250 kilometer til både Oslo og Bergen og noko lenger til Trondheim. Altså er du midt i smørauget sør i Noreg i ein kommune som har framtidstru og satsar på gode kommunale tenestar på alle område: Nemnast kan nyrenovert skule med fleirbrukshall og eit rikt kulturliv.

Sektor: Offentlig
Sted: Lundsmarka 15, 2975 Vang i Valdres
Bransje: Barn, skole og undervisning,; Offentlig administrasjon
Stillingsfunksjon: Ledelse,; Undervisning og pedagogikk