Utløpt

Spesialingeniør (bioinformatikk/IKT)

Arbeidsgiver: Helse Bergen
Stillingstittel: Spesialingeniør (bioinformatikk/IKT)
Frist: 24.05.2021
Ansettelsesform: Fast

Bli kjent med Haukeland universitetssjukehus

Avdeling for medisinsk genetikk (MGM) er ein av åtte organisatoriske einingar i Laboratorieklinikken ved Haukeland universitetssjukehus, og skal dekkje behovet for medisinsk-genetiske tenester i Helse Vest-regionen. Fagfeltet omfattar utgreiing, rettleiing og diagnostikk ved mistanke om eller påvist arveleg sjukdom. Avdelinga er for tida organisert i fem seksjonar, som saman med stabsfunksjonar dekker arbeidsoppgåver innanfor klinisk genetikk, laboratoriediagnostikk, teknologiutvikling, forsking, og merkantile tenester. Teknologiutviklinga i fagfeltet er rask, med aukande bruk av neste generasjons sekvensering (NGS) i diagnostiske gentestar.

Ved MGM er det ledig inntil to faste stillingar (begge 100%) som spesialingeniør i bioinformatikk/IKT. Dei som blir tilsett vil få ta del i ei spanande utvikling innanfor behandling og analyse av genomdata i medisinsk-genetisk diagnostikk. Spesialingeniørane skal bidra til å etablere, tilpasse og drifte nødvendige informatikksystem og program ved avdelinga, samt handtere dei data som blir produserte. Vedkomande vil arbeide nært saman med tilsette ved Seksjon for bioinformatikk i Laboratorieklinikken.

Arbeidsoppgåver

Utvikling og drift av programvare og pipelines for analyse av NGS-data
Utvikling og drift av ulike laboratoriestøttesystem
Utvikling og drift av integrasjonsløysingar mellom analyseinstrument, laboratoriestøttesystem og LIMS
Utvikling og drift av system for driftsstatistikk og kvalitetskontroll
Brukarstøtte for ovannemde system

Kvalifikasjonar

Mastergrad eller PhD innanfor bioinformatikk, IKT eller eit tilsvarande relevant fagfelt. Annan relevant erfaring kan kompensere for manglande formell utdanning
Erfaring med verktøy og pipelines for handtering og analyse av NGS-data (t.d. GATK, FastQC, BWA, SAM tools)
Erfaring med programmeringsspråk (t.d. Go, Python, R), teknologiar (t.d. kubernetes, slurm, git, docker), metodologier (t.d. gitops, devops, tdd) og/eller oppsett og drift av linuxbaserte OS
Erfaring med IKT-systemutvikling er ein stor fordel
Meistre engelsk munnleg og skriftleg. Det å ha god kunnskap i norsk eller eit anna skandinavisk språk er ein stor fordel

Utdanningsretning

Bioinformatikk
Biologi
Modellering og dataanalyse
Laboratoriefag
IKT-fag

Utdanningsnivå

Høgskule/universitet, doktorgrad
Høgskule/universitet, hovudfag / mastergrad

Personlege eigenskapar

Sjølvstendig, strukturert og ansvarsbevisst
Løysings- og serviceorientert
Kreativ
Samarbeider godt i team
Gode kommunikasjonsevner

Vi tilbyr

Løn etter avtale
Høgt fagleg nivå og gode moglegheiter for fagleg utvikling
Fleksibel arbeidstid
Gode pensjons- og forsikringsordningar

Om arbeidsgiveren

Helse Bergen, Haukeland universitetssjukehus, har over 13.000 tilsette som har som mål å gi best mogleg helsehjelp til pasientane våre, og rett opplæring til pasientar og pårørande. Kvart år behandlar vi over 900.000 pasientar og bidreg i utdanninga av fleire tusen helsearbeidarar. Forsking og innovasjon er og viktige oppgåver i sjukehuset. Les meir på www.helse-bergen.no eller facebook.

Helse Vest skal så langt som råd avspegle mangfaldet i befolkninga. Vi ønsker å rekruttere medarbeidarar uavhengig av kjønn med ulik kompetanse, fagkombinasjonar, livserfaring og perspektiv for å bidra i spesialisthelsetenesta.

Sektor: Offentlig
Antall stillinger: 2
Sted: Haukelandsveien 22, 5021 Bergen
Bransje: Helse og omsorg
Stillingsfunksjon: IT drift og vedlikehold / IT-support,; Ingeniør,; Helsepersonell / Bioingeniør,; Helsepersonell