Ledig stilling for psykolog i tverrfagleg behandlingsteam

Avdeling for rusmedisin består av fem døgnseksjonar, ein forskingseksjon, ein LAR seksjon, ein ambulant seksjon og to poliklinikkar. Den ledige stillinga er i seksjon Askøy som held til i flotte, moderne lokale på Ask kun ein halv times køyretid frå Bergen sentrum. Det er òg godt båt- og bussamband til Askøy. 

Den tverrfaglege bemanninga i seksjon Askøy består av russpesialist/overlege, LIS legar, psykologar, sosionom, sjukepleiar/vernepleiar, fysioterapeut, aktivitetskoordinator og sekretær. Avdeling for rusmedisin er opptatt av å leggje til rette for individuell vidareutdanning, samt felles kompetanseheving.

Seksjon Askøy har 12 senger for elektiv behandling av menn med rusproblem, der ein mellom anna jobbar med indivuell tilnærming og gruppeterapi. Her er det òg ein brukarstyrt seng. Seksjonen har òg ein Avrusingseining med 13 senger for pasientar som har eit ØH-behov for avrusing. Pasientane har ofte underliggjande psykiske, akuttpsykiatriske problemstillingar, kognitive og somatiske plager som ikkje har blitt diagnostisert tidlegare på grunn av rusbruk. Vi kartlegg og diagnostiserer desse plagene for å finne ut kor pasientane vil få best hjelp. Målet er å leggje til rette for eit best mogleg og individuelt tilpassa behandlingsforløp for kvar pasient.

Det ledige vikariatet er p.t tilknytta Avrusingsposten. Vikariatet er for 1 år, tiltreding vil skje etter nærare avtale. Ta gjerne kontakt dersom du har spørsmål.

Arbeidsoppgåver

• Kartlegging, utgreiing og behandling av rusavhengige, dette er ofte ROP tilstandar
• Samhandling og rettleiing av samarbeidspartnarar internt og eksternt mot kommunale tenester 
• Deltaking i internt utviklingsarbeid, rettleiing og undervising 

Kvalifikasjonar

• Gode språkkunnskapar er heilt avgjerande for forsvarleg pasientbehandling. Ikkje-nordiske statsborgarar må minimum ha bestått Bergenstesten, eller annan norsktest på B2-nivå. Dokumentasjon må leggjast ved søknad
• Norsk autorisasjon som psykolog

Personlege eigenskapar

• Du bidrar positivt til eit fagleg og kollegialt godt miljø
• Du trivast med å arbeide i eit tverrfagleg miljø og meistrar høgt tempo
• Du har god fagleg vurderingsevne, arbeider målretta og strukturert
• Du må kunne arbeide godt både sjølvstendig og i team
• Du arbeider målretta og toler å stå i krevjande situasjonar

Vi tilbyr

• Høgt fagleg nivå
• Godt arbeidsmiljø
• Tilrettelegging for relevant spesialiseringsløp
• Ein arbeidsplass som er ei inkluderande arbeidsliv-bedrift (IA-bedrift)
• Løn i samsvar med gjeldande overeinskomst
• Gode pensjons- og forsikringsordningar