Psykolog

Ved BUP Stord har vi ledig fast stilling for psykolog. BUP Stord gir tenester på spesialistnivå til barn og unge (0-18 år). Opptaksområdet for poliklinikken dekkjer 6 kommunar (Stord, Fitjar, Bømlo, Tysnes, Kvinnherad og Ullensvang).
BUP Stord er organisert saman med Stord DPS under felles leiing, og er inndelt i 4 team; 3 allmennteam og sped - og småbarnsteam. Ved poliklinikken er det 25 fagstillingar. Den største faggruppa er psykologar.
Vi er inne i ei tid med fokus på utvikling av tilbodet til barn og unge i vårt opptaksområde. Vi ønsker at våre medarbeidarar skal ha god fagkompetanse på sitt område og vi legg til rette for vidare- og etterutdanning. Vi har god spesialistdekning og stabil gruppe psykologspesialistar - og vil kunne tilby samanhengande spesialiseringsløp. 

BUP Stord ligg på Stord som har 18 000 innbyggjarar og eigen flyplass med avgangar til Oslo. Haugesund er 45 minutt unna med bil, og Bergen omtrent to timar.

Arbeidsoppgåver

• Vurdere tilviste pasientar
• Utgreiing, diagnostisering og behandling av barn og ungdom
• Rettleiing og formidling av kunnskap internt og eksternt
• Kontakt med føresette og andre aktuelle instansar rundt barn/ungdom
• Delta på samarbeidsmøter

Kvalifikasjonar

• Norsk autorisasjon som psykolog
• Det er ønskeleg (men ikkje eit krav) med erfaring frå arbeid i BUP
• Må beherske godt norsk skriftleg og muntleg

Personlege eigenskapar

• Evne til samarbeid
• Arbeider strukturert og sjølvstendig
• Kreativ, nytenkande og fleksibel
• Formidling av kunnskap internt og eksternt

Vi tilbyr

• Eit utfordrande og spennande arbeidsfelt i stadig utvikling
• Arbeid i tverrfaglig team
• Kompetanseheving
• Tilrettelegging for spesialisering i fast stilling
• Eit godt fagmiljø og kjekke kollegaer
• Lønn etter gjeldande avtale
• Stillinga er dagstilling, 37,5 t/veke
• Konkurransedyktig pensjonsordning. Yrkesskadeforsikring, gruppelivsforsikring og tenestereiseforsikring.
• For å kunne vurdere fortrinnsrett til stilling, må søkar gi til kjenne dette i søknaden