Er du vår nye juridiske rådgjevar innan forskingsadministrasjon ved NHH?

Vi søkjer deg som har gode samarbeidsevne, er proaktiv, løysingsorientert og er interessert i forskingsadministrative problemstillingar.

Stillinga som juridisk rådgjevar dekker heile breidda av juridiske problemstillingar knytt til det forskingsadministrative feltet. Som vår nye rådgjevar vil du jobbe sjølvstendig, men arbeidet krev også eit breitt samarbeid med andre i avdelinga, institutta, andre avdelingar og leiinga ved NHH.

NHH har ledig ei fast stilling i 100 prosent som rådgjevar ved Forskingsadministrativ avdeling. Avdelinga jobbar for at NHH når sine mål innan forsking og forskarutdanning og dekkjer i tillegg ansvarsområde som forskingsinfrastruktur, utgreiing, analyse og kvalitetssikring. Til saman er vi om lag 25 tilsette i avdelinga.

• utarbeide, forhandle og følge opp kontraktar knytt til eksternfinansierte forskingsprosjekt (EU og NFR) og anna forskingssamarbeid i og utanfor Noreg
• arbeid med juridiske saker knytt til oppfølging og vidareutvikling av NHHs system og retningsliner for forskingsdata og personvern
• sekretariat for, og juridisk medlem av, reielegheitsutvalet, samt vidareutvikling i samband med NHHs arbeid med forskingsetikk
• immateriell rett og opphavsrett opp mot forskingsprosjekt
• juridisk rådgjeving knytt til ph.d.-studiet
• juridiske utgreiingar og utforming av retningsliner og rutinar
• diverse forskingsadministrative oppgåver

Du må rekne med endringar i arbeidsoppgåver over tid.

Vi ser etter deg som har

• master i rettsvitskap eller juridisk embetseksamen
• minimum tre års relevant erfaring
• særs gode engelsk- og norskkunnskapar, skriftleg og munnleg
• gode IT-kunnskapar

Det er eit føremon at du har

• erfaring frå universitets- og høgskulesektoren
• erfaring med juridiske problemstillingar knytt til forskingsadministrasjon
• praktisk erfaring med eitt eller fleire av desse rettsområda: avtalerett, immateriell rett/opphavsrett, personvern, forskingsetikk, offentleg rett og forhandlingar.

• strukturert og nøyaktig
• gode samarbeidsevner og serviceinnstilt
• løysingsorientert og målretta
• proaktiv, sjølvstendig og sjølvdriven   
• jobbar godt og systematisk under press

• varierte utfordringar
• eit triveleg arbeidsmiljø med gode kollegaer
• fleksibel arbeidstidsordning
• gode forsikrings-, pensjons- og låneordningar i Statens pensjonskasse (https://www.spk.no/)
• inkluderande arbeidsliv
• velferdsgode som subsidiert trening, trening i arbeidstida, bedriftshytte og gratis parkering

Stillinga har kode 1434 - rådgjevar og er løna etter lønnsregulativet til staten med kr 555 400 - 630 100  per år avhengig av kvalifikasjonar.

For særleg kvalifiserte søkjarar kan høgare løn bli vurdert. Eit innskot på to prosent til Statens pensjonskasse blir trekt frå løna.

Den statlege arbeidsstyrken skal i størst mogleg grad spegle mangfaldet i befolkninga. Difor er det eit personalpolitisk mål å oppnå ei balansert alders- og kjønnssamansetjing og rekruttere personar med innvandrarbakgrunn og nedsett funksjonsevne.

Vi gjer merksam på at opplysningar om søkjarar kan bli offentleggjorde sjølv om søkjaren har bede om å bli unnateken frå søkjarlista. Søkjarar vil bli informerte om dette på førehand.

Dersom du ønskjer meir informasjon om stillinga, kan du ta kontakt med avdelingsleiar Linda Rud, Linda.Rud@nhh.no, tlf. 906 76 842 og seniorrådgjevar Bjarte.Gronner@nhh.no, tlf. 948 33 139.

Søknadsfrist 4. mai 2021.