Arkivleiar

Vaksdal kommune søkjer ein arkivleiar (fagleiar) som brenn for god dokumentasjonsforvaltning og er opptatt av digitalisering og innsyn i forvaltninga. Stillinga vil vera sentral i utviklinga av dokument-/arkivfunksjonen og i kommunen sitt arbeid med digitalisering.

Arbeidsoppgåver

Arkivleiar har ansvar for kommunen sine arkiv og den daglege drifta av arkivtenesta, herunder

• Systemansvar for kommunen sitt elektroniske sak-/arkivsystem
• Arkivfagleg kompetanse i digitaliseringsprosjekt
• Ansvar for oppdatert arkivplan, gode arbeidsprosessar, rutiner og reglement

• Ansvar for nødvendig opplæring, rettleiing og oppfølging innafor arbeidsområda

• Ansvar for kvalitetssikring og utvikling

Sentrale arbeidsoppgåver er

• Dagleg drift av post/arkiv i samsvar med gjeldande lover, forskrifter og regelverk

• Innsynsbehandling og publisering av postlister og saker på nett

• Opplæring og oppfølging av saksbehandlarar, leiarar og andre i sak/arkivsystemet

• Bistå med arkivfagleg kompetanse i digitaliseringsarbeidet i kommunen

Ynskja til kompetanse

• Arkivfagleg eller anna relevant utdanning frå høgskule/universitet
• Erfaring frå offentleg administrasjon og forvaltning
• God kjennskap til lov og forskrifter 
• Har god IT-kompetanse, og erfaring med digitale prosessar
• Har erfaring frå elektronisk sak-/arkivsystem

Personlege eigenskapar

Vi søkjer deg som

• Er strukturert, effektiv og nøyaktig
• Er sjølvstendig, engasjert og har gjennomføringsevne
• Har god arbeidskapasitet og trivst med høgt tempo
• Kommuniserer og samarbeider godt

Personlege eigenskapar vert sterkt vektlagt.

Vaksdal kommune kan tilby

• Sjølvstendig stilling med meiningsfylte arbeidsoppgåver på viktige samfunnsområde
• Fagleg og personleg utvikling
• Kompetente medarbeidarar og eit levande og inkluderande arbeidsmiljø
• Godt fagleg samarbeid/nettverk med andre kommunar i regionen
• Gode pensjons- og forsikringsordningar
• Fleksitidsordning

Slik søkjer du:

Klikk "send søknad" og følg vidare instruksjonar.

Tilsette som søkjer på stilling må opprette brukarnamn og passord. 
Om du har søkt på stillingar via EasyCruit i Vaksdal kommune tidlegare kan du logge inn med tidlegare brukar. Brukarnamn er som regel e-postadressa.

Treng du hjelp, kan du venda deg til Innbyggjarservice tlf: 56 59 44 00 eller HR-konsulent på e-post tiril.h.langhelle@vaksdal.kommune eller tlf: 95 52 75 04